Connect with us

Maqedoni

Policia financiare ka hapur hetim për rastin “Parukeria”

Published

on


Rasti “Parukeria” nën vëzhgimin e Policisë Financiare. Ata konfirmojnë për Alsat se është hapur hetim paraprak për Agjencinë Nacionale të Programeve Arsimore Evropiane në koordinim me Prokurorinë për  ndjekjen e Krimit të Organizuar dhe Korrupsionit. Detajet nuk bëhen të ditura për shkak të fshehtësisë së hetimit.

Drejtoria e Policisë Financiare:

“Nga ana jonë janë ndërmarrë masa dhe aktivitete në përputhje me Ligjin për Procedurë Penale.”

Edhe Komisioni Evropian po kontrollon nëse ka keqpërdorim të parave evropiane në Agjencinë e drejtuar nga Lidija Dimova. Brukseli thotë se çdo shpenzim i parregullt duhet të kthehet në arkën evropiane. Rasti do të hetohet edhe nga OLAV, organ evropian për luftë kundër mashtrimit. Nga ana tjetër, Dimova u paraqit në konferencë shtypi. Pohon se gjithçka ka qenë sipas procedurave dhe se të gjithë mund të përdorin para nga programi “Erasmus Plus”, përveç partive. Dimova nuk ka ndërmend të japë dorëheqje.

Jam shumë e lumtur nëse vërtet kanë hapur hetim për rastin. Ky rast… nuk është problemi z. Zllatkovski apo unë si drejtor, ne jemi kategori që ndryshon. Ajo që është me të vërtetë problematike është se është njollosur programi ‘Erasmus Plus’, i cili aktualisht është programi më i popullarizuar në Bashkimin Evropian”-tha Lidija Dimova- drejtore e Agjencisë nacionale për programe arsimore evropiane.

Kompania “V.E.Z. Trade “në pronësi të Zoran Zllatkovskit, është edhe parukeri, edhe mban trajnime për edukim mediatik. Ajo mori një grant prej 270,000 eurove për mbajtjen e trajnimeve për edukim mediatik, edhe pse aktiviteti i saj është parukeri dhe sallon ondulimi.

Kompania gjithashtu ka një klauzolë të përgjithshme për aktivitetin. Kjo do të thotë që mund të merret me gjithçka, që lidhet me biznesin e rregullt në vend. – Mirë. Kam një pyetje shtesë në lidhje me këtë. A do të thotë kjo që ju ndryshoni aktivitetin në raport me atë se çfarë projekte jepen? – Varet nga të ardhurat e fondeve… “-pohoi Zoran Zlatkovski, pronar i VEZ Trade.

Sipas Dimovës, kjo nuk është hera e parë që grant ndahet për një parukeri. Ndërsa për projektin e trajnimit të gomarit kroat për çka një shkollë ka fituar 80 mijë euro, Dimova pohonte se projekte të këtilla janë ndarë edhe në shtete tjera.

Igor Sefanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending