Connect with us

Maqedoni

Platforma për mësim online, më shumë e bllokuar se funksionale

Published

on


Qindra ankesa nga mësimdhënësit dhe prindërit për shkak të mos funksionimit të Platformës së Ministrisë së Arsimit. Ndërsa  në shumë shkolla interneti pamundëson qasjen në këtë platformë, në disa tjetra mësimdhënësit tashmë po bëjnë provat e para duke i kujtuar nxënësit se mos prezenca e tyre në mësimin online do të shënohet me mungesa të paarsyeshme.

“Mësuese, çfarë nëse kemi problem të kyçemi në internet? Nëse keni problem të kyqeni në internet do të reagoni te unë. Nëse prindi juaj paraprakisht nuk lajmëron se për shkaqe të arsyeshme nuk jeni prezent në orë. Pra, nëse nuk jeni prezent në orë, përshembull të martën, menjëherë në ditarin amë do të merrni 7 mungesa të paarsyeshme”

Ministrja e Arsimit, Mila Carovska pranon problemet tashmë të krijuara me funksionimin e Platformës. Ajo kërkon mbështetjen e prindërve dhe mësimdhënësve dhe shton se fillimi i vitit shkollor do të shoqërohet me problem teknike.

Mbrëmë janë dhënë edhe instruksione shtesë që të krijohen klasa në një pjesë tjetër të platformës që më lehtë të mund të kyqen. Vlerësoj se proceset do të zhvillohen dhe do të kemi sfida edhe në periudhën e ardhshme. Ftoj edhe prindërit edhe mësimdhënësit, fëmijët, drejtorët, kryetarët e komunave që këtë proces ta kalojmë bashkë. Nuk do të jetë e lehtë, e kemi thënë që në fillim, periudha e përgatitjes ishte e shkurtër. Mirëpo, kemi bazë të themi se viti shkollor do të filloj në formë të organizuar dhe në këtë mënyrë do të kemi qasje deri te një proces arsimor që do të jetë i mirë”-tha Milla Carovska, ministre e Arsimit.

Kreu i SASHK-ut Jakim Nedellkov kërkoi zgjidhje për dyfishin e orëve dhe kuadër shtesë në rast se do të lejohet mësimi tërë ditor në shkolla.

Është herët të zbulohen detajet, ka disa mundësi të cilat mund ti diskutojmë. Nuk është korrekte ti tregojmë tani opsionet që janë në lojë. Është e pamundur që me atë kuadër që posedojnë shkollat të kënaqen nevojat për realizim të mësimit, posaçërisht nëse vendoset edhe për mësimin tërë ditor. 50 orë mësim gjatë javës është e opsion i  papranueshëm”-tha Jakim Nedellkov, kryetar I SASHK-ut.

Më 1 tetor, mësimin online duhet ta ndjekin nxënësit e shkollave që nuk siguruan leje për mësim me prani fizike. Të shtunën, më 26 shtator, Ministria e Arsimit aktivizoi Platformën kombëtare për mësim nga distanca përmes faqes së internetit www.schools.mk. Në të tashmë janë vendosur video udhëzime, doracak dhe përmbajtje të tjera.

 

Melihate Rustemi              

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending