Connect with us

Maqedoni

Ministrat firmosën Kodin e sjelljes etike, premtohet punë transparente në institucione

Published

on


Kodi për sjelljen etike të anëtarëve të Qeverisë dhe bartësve të funksioneve publike të emëruara nga Qeveria, me obligime konkrete, detyron funksionarët për më shumë transparencë dhe llogaridhënie.

Çdo gjashtë muaj, secili funksionar dorëzon raport për shpenzimet gjatë kryerjes së detyrës zyrtare. Funksionarët duhet t’i publikojnë edhe të gjithë të dhënat për punën e tyre dhe të institucioneve, në web faqe, raportet për punë, planet për punë, raportet e revizionit, listat e të punësuarve, llogaritë përfundimtare dhe dokumente të tjera, gjithçka që është në interes të qytetarëve kur bëhet fjalë për institucionet e financuara nga buxheti. Funksionarët do të jenë të obliguar të publikojnë secilin dyshim se janë në situatë të konfliktit të interesave dhe të kërkojnë udhëzime -tha Lupço Nikollovski, zv/kryeministër për luftë kundër korrupsionit.

Përveç kësaj, Kodi parashikon dispozita për punë pa korrupsion, pa anshmëri dhe të respektohen ligjet. Në rast të shkeljes së këtyre parimeve, kryeministri ka të drejtë që ndaj funksionarit që bën shkeljen të dërgojë kritikë zyrtare, të kërkojë përgjegjësi politike, konkretisht, dorëheqje, ose të ndërmarrë nismë për të informuar institucionet kompetente për shkeljet. Anëtarët e kabinetit qeveritar e firmosën atë.

Sjellja e secilit anëtar të qeverisë dhe e secilit funksionar të zgjedhur dhe të emëruar dhe respektimi i parimeve të menaxhimit të mirë duke treguar integritet, transparencë, llogaridhënie, drejtësi dhe paanshmëri është prioriteti jonë në periudhën që vjen – u shpreh Zoran Zaev, kryeministër.

Grupi i vendeve kundër korrupsionit pranë Këshillit të Evropës, GRECO, ditë më parë kërkoi nga pushteti respektimin në praktikë të Kodit etik të funksionarëve të ekzekutivit, të miratuar së fundmi.

Fatlume Dervishi

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending