Connect with us

Maqedoni

Masat e reja nuk respektohen në transport, autobusët të stërmbushur me udhëtarë

Published

on


Kështu dukej sot një autobus i linjës 19 që qarkullon nga Karposhi për në Shutkë. Pavarësisht masave të reja të sjella nga qeveria për kapacitet të përgjysmuar në transportin publik. Autobusi me të cilin udhëtoi ekipi ynë ishte i stërmbushur me udhëtarë. Shoferi Dushan Naumovski, thotë se kjo linjë është gjithmonë e ngarkuar, por shton se edhe pasi 50% e kapacitetit të jetë plotësuar ai nuk mund t’i ktheje qytetarët tek dera e automjetit.

Ja le të incizojë të shihni se nga sa njerëz transportojmë. 50% kapacitet, por unë njerëzit nuk i zbres dot nga autobusi, unë jam shofer. Përderisa kanë vendosur masë të tillë, tjetërkush duhet të kujdeset për zbatimin e saj. Ky relacion është gjithmonë plot, kapacitet i plotë. Si do ta zbres unë udhëtarin kur nëse është arritur 50 përqindëshi, unë duhet të ngrihem nga vendi që ta kthej mbrapsht. Unë duhet të ngrihem nga vendi në çdo stacion. Që të ketë distancë duhet të lëshohen më shumë autobusë në qarkullim – deklaroi Dushan Naumovski, Shofer i linjës private 19.

Në të njëjtën vijë mendimi janë edhe qytetarët që anketuam. Thonë se zgjidhja e mirë është dyfishimi i numrit të autobusëve.

“Nuk ndjehem e sigurt, sepse ka shumë udhëtarë, jemi aq afër sa ndiejmë si merr frymë tjetri. Ja shikojeni lirisht, vërehet se ka shumë. Ky problem mund të zgjidhet duke lëshuar më shumë autobusë dhe duke reduktuar vendet për t’u ulur”.

“Për mendimin tim është më mirë që të shtohen autobusë, për shkak se kështu bëhet shumë rrëmujë në autobusë. Rregullisht ka. Sidomos kur lirohen punëtoret nga puna”.

“Duhet të ketë më shumë autobusë, sepse një grumbullim i tillë i njerëzve nuk guxon të bëhet”.

Më pak qytetarë kishte në autobusin më numër 15A, linjë më pak e frekuentuar. Këtu fluks i shtuar është kur qytetarët shkojnë apo dalin nga puna. Në këtë autobus vendet ku pasagjerët nuk duhet të ulën nuk ishin shënjuar.

Nga ora 7 deri në orë 8 atëherë ka më shumë pasagjer, mirëpo mund të them se nuk tejkalohet 50% I kapacitetit. Vendet kanë qenë të shënjuara, ky është autobus i ri, me shumë gjasë sonte përsëri do të shënjohen se ku nuk duhet të ulen – u shpreh Vanço Urxhanov- shofer i linjës 15A.

Këshilli Inspektues paralajmëroi kontrolle intensive. Drejtori i Inspektoratit të Tregut, Stojko Paunovski tha se ndaj objekteve gastronomike që nuk respektojnë protokollet, për momentin inspektorët mund të ngrenë vetëm padi penale, pasi për më shumë kompetenca vendimi fillimisht duhet të kalojë në Kuvend.

Prandaj janë sjellë masa më të rrepta përmes të të cilave mund të mbyllim objektin për 30 ditë dhe të shqiptojmë dënim në para në vendngjarje. Por për këtë duhet të presim që Kuvendi të sjellë këtë zgjidhje ligjore dhe e njëjta të publikohet në Gazetën Zyrtare. Tek disa nëse nuk bëjnë punë dënimet, nuk di çfarë tjetër mund të ndërmerret – u shpreh Stojko Paunovski, Drejtori i Inspektoratit të Tregut.

Nga data 12 deri më 18 Tetor, shërbimet inspektuese kanë realizuar gjithsej 2183 kontrolle, gjatë disa prej të cilave është konstatuar shkelje e protokolleve. Në disa raste inspektorët kanë ngritur edhe padi penale.

Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending