Connect with us

Maqedoni

VMRO-DPMNE-ja kërkon komision të ri për virusin

Published

on


Opozita maqedonase kërkon formimin e një Komisioni të veçantë dhe të pavarur për menaxhimin e situatës me pandeminë, në vend të Komisionit ekzistues për sëmundje ngjitëse që funksionon në kuadër të Qeverisë. Sipas deputetit Antonio Milloshoski, Komisioni për sëmundje ngjitëse të cilin e drejton Zharko Karaxhovski ka sjellë masa të vonuara dhe të papërshtatshme për menaxhim me pandeminë.

Të formohet një Komision special shtetëror për mbrojtje dhe luftë kundër pandemive dhe epidemive në momentin kur ata ekzistojnë ose në të ardhmen kur të ndodhnin përsëri. Propozuam që ai Komision të ketë 11 anëtarë. Në të të ishin anëtarë ministri i Shëndetësisë dhe drejtori i Qendrës për Menaxhim me Krizat kurse të tjerët do të ishin tre specialistë infektologë, dy epidemiologë, 2 mikrobiologë, 1 imunolog dhe 1 specialist internist. Për dëshpërimin tonë, kjo ide nuk u pranua nga ministri i Shëndetësisë.”-tha Antonio Milloshoski, deputet i VMRO-DPMNE-së.

Kjo kërkesë irriton pushtetin të cilët VMRO-DPMNE-në e cilësojnë si destruktive. Ministri Filipçe thotë se kjo parti rrezikon shëndetin e qytetarëve.

Kjo është një përpjekje e menduar dhe tendencioze për pikë të politikës ditore e cila drejtpërdrejt rrezikon shëndetin e popullsisë. Që nga fillimi i krizës me kovidin në vend, nga opozita nuk pamë asgjë tjetër përveç veprime jokonstruktive, pengesa dhe kritika për të gjithë ata që japin përpjekje maksimale për menaxhimin e virusit… Kërkesa për të formuar një Komision të ri të cilin do ta zgjedhë Kuvendi si një mënyrë që gjoja të tregojnë shqetësim dhe konstruktivitet, është e pabazë. Në Komisionin për sëmundje ngjitëse anëtarë janë profesionistë të lartë, ekspertë në fushën e tyre.”-pohoi Venko Filipçe, ministër i Shëndetësisë.

Meqë kërkesa e opozitës është refuzuar nga ministri Filipçe që në takimin e një dite më parë, VMRO-DPMNE-ja ftoi shumicën të caktojë seancë të Kuvendit në të cilën janë të gatshëm të formojë kuorum dhe të mundësojnë miratimin e ndryshimeve në Ligjin për mbrojtjen e popullsisë nga sëmundjet ngjitëse. Vetë do të votojnë të përmbajtur sepse vlerësojnë se në ndryshimet e ligjit s’ka masa konkrete për luftë me pandeminë, s’ka masë për rritjen e kapaciteteve të institucioneve që bëjnë testimin, s’ka masë për lehtësimin e testimit të grupeve të rrezikuara në shoqëri dhe as testim më të zgjeruar në komunat më të rrezikuara.

Me një VMRO-DPMNE të këtillë, nuk mund të arrihet marrëveshje absolutisht për asgjë. Pres që koordinatori i grupit parlamentar të VMRO-DPMNE-së të deklarojë se “po”, se presin thirrjen e seancës. Është jonjerëzore që të politizohet qëndrimi se do të bëjnë kuorum në Kuvend. Është detyrim i deputetëve të jenë në punë.”-tha Kostadin Kostadinov, LSDM.

Një ditë më parë, nisma për ndryshime në Ligjin për mbrojtjen e popullsisë u vendos në rend dite dhe më vonë u tërhoq. Ndryshimet parashikojnë mbajtjen e maskës në ambiente të hapura, kufizimin e grupimeve pas orës 22 dhe kufizimin e takimeve familjare.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending