Connect with us

Maqedoni

KSHZ: Më 13 dhjetor votohen kryetarët në Shtip dhe Pllasnicë

Published

on


Komisioni Shtetëror i Zgjedhjeve vijon organizimin e zgjedhjeve të jashtëzakonshme për kryetar në Komunën e Shtipit dhe në Komunën e Pllasnicës, pasi krerët paraprak morën funksione shtetërore. Pasardhësit e Bllagoja Boçvarskit dhe Imail Jahoskit do të dihen pas rrethit të parë të zgjedhjeve më 13 dhjetor ose eventualisht pas rrethit të dytë më 27 dhjetor.

Afatin e fundit për paraqitjen e kandidatëve partitë politike partitë politike e kanë deri më 7 nëntor. Partitë politike kandidatët i dorëzojnë te Komisionet komunale zgjedhore dhe jo në KSHZ. Edhe personat të cilët janë me test pozitiv Kovid 19 dhe personat të cilët gjenden në vetëizolim, edhe atyre do t’u mundësohet e drejta e votës. Procedura do të jetë e njëjtë siç ishte për zgjedhjet e parakohshme parlamentare – tha Ditmire Shehu, nënkryetare e KSHZ-së.

Mandati i dy kryetarëve të rinj do të jetë deri në tetor, atëherë kur sipas Kodit zgjedhor do të duhet të mbahen zgjedhjet e rregullta lokale. Partitë politike tashmë kanë konfirmuar se priten ndryshime në modelin zgjedhor lokal. VMRO-DPMNE-ja kërkon vetëm një rreth zgjedhor ndërkohë që të gjithë partitë e tjera janë kundër. Nga ana tjetër, LSDM-ja kërkon zbatimin e modelit me lista të hapura të kandidatëve për këshilltarë komunash. Zbatimi eventual i këtij modeli, sipas KSHZ-së, duhet të bëhet disa muaj më herët, që të lihet mjaftueshëm kohë për përgatitjet e duhura. Nënkryetarja Ditmire Shehu thotë se, gjithsesi, KSHZ-ja është e gatshme t’i zbatojë zgjedhjet.

Do të ishte mirë që të paktën gjashtë muaj të bëhet ndryshimi i Kodit zgjedhor që ta dimë edhe ne se çfarë ndryshimesh do të ketë Kodi zgjedhor dhe çfarë do të parashohë, duke i përgatitur në fillim komisionet komunale, ashtu edhe këshillat zgjedhor, duke bërë edukime. Gjithashtu edhe qytetarët, është shumë me rëndësi, mënyra e votimit, si do të votohet dhe çfarë do të thonë listat e hapura që në fund të mos kemi shumë fletëvotime të pavlefshme – u shpreh Ditmire Shehu, nënkryetare e KSHZ-së.

Në të gjithë sferën zgjedhore partitë politike i pret më shumë punë në muajt e ardhshëm. Në janar skadon mandati i anëtarëve të KSHZ-së dhe është njoftuar se do të mendohet një model i ri për zgjedhjen e tyre. Në prill skadon mandati i anëtarëve të Komisioneve Komunale Zgjedhore dhe i anëtarëve të këshillave zgjedhor.

Fatlume Dervishi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending