Connect with us

Maqedoni

Zvarritet nisja e punimeve për ndërtimin e rrugës Shkup-Bllacë

Published

on


Zvarritet nisja e punimeve për ndërtimin e rrugës Shkup-Bllacë. Një muaj më parë vetëm një ekskavator është parë në teren por wshtw bwrw shumw pak punw. Autoritetet thonë se do të ndjekin dinamikën e punimeve.

“Ndodhemi në vendin ku rreth një muaj e gjysmë më parë filluan punimet për autostradën Shkup – Bllacë, por që atëherë e deri më tani, shihet se është bërë vetëm pastrim i pemëve dhe asgjë më tepër”.

Edhepse punimet duhej të fillonin që në pranverë, në fakt në teren bëhen vetëm përgatitjet për fillimin e ndërtimit. Në shtator aktiv ishte një ekskavator i cili ka pastruar vetëm një pjesë të terrenit.

Punimet zhvillohen sipas dinamikës së parashikuar dhe nuk ka vonesa në afate. Kryerësi është aktivizuar në punë më 20.07.2020, ndërsa afati i realizimit është 18 muaj nga fillimi i punimeve. Faza e parë pritet të përfundojë në suaza të afatit kohor të parashikuar në Marrëveshje, por duhet të merret parasysh edhe gjendja me Covid 19 – njoftojnë nga Ndërmarrja Publike për Rrugë Shtetërore.

Ministri i Transportit Boçvarski kishte paralajmëruar se do ta ndjekë dinamikën e punimeve dhe nëse ka zvarritje do tu bëhet presion realizuesve.

Duhet ta ndjekim edhe dinamikën, e nëse ajo dinamikë është e ulët do të bëjmë presion që sa më shumë që është e mundur të zhbllokohet dhe të vazhdojë me ndërtim. Nëse ka ndonjë probleme institucional jemi këtu që ta zgjidhim, por nëse problemi është tek realizuesit e punëve gjithsesi ti shpejtojmë dhe ti kujtojmë për afatet, pasi mjete ka, ata mjete që janë duhet të realizohen – tha Bllagoja Boçvarski, Ministëri i Transportit dhe Lidhjeve.

Por tani nga Ministria e Transportit thonë se obligimet për realizim i përkasin Ndërmarrjes Publike për rrugë Shtetërore.

Ministria e Transportit dhe Lidhjeve nuk ka lidhur marrëveshje për kryerës së punimeve, marrëveshja është lidhur nga Ndërmarrja Publike për Rrugë Shtetërore dhe ata e ndjekin realizimin e marrëveshjes, obligimet e realizuesve dhe vëzhguesve – njoftojnë nga Ministria e Transportit dhe Lidhjeve.

Autostrada Bllacë-Shkup duhet të ndërtohet në dy faza. E para është e gjatë 2 kilometra dhe duhet të jetë gati për 18 muaj. Ndërsa seksioni i dytë, është i gjatë mbi 10.5 km dhe duhet të përfundojë për 36 muaj, respektivisht brenda vitit 2023. Vlera totale e autostradës Shkup-Bllacë prej 12.5 km parashihet të kushtojë 110 milion euro.

Mefail Ismaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending