Connect with us

Maqedoni

Nxënësit nuk pranojnë testim me prezencë fizike

Published

on


Vlerësimi edhe me prani fizike në shkollë nuk është mirëpritur nga shumë nxënës të shkollave të mesme. Në një anketë për Alsat, nxënësit thanë se nuk do të pranojnë të shkojnë në shkollë për t’u notuar mbase nuk e lejuan që mësimin ta ndjekin në shkollë.

“Meqenëse kërkesa jonë për mësim me prezencë fizike nuk u pranua nga ministria atëherë edhe ne si nxënës pse ta pranojmë notimin me prezencë fizike. Nëse nuk mbajmë mësim me prezencë fizike, unë nuk do të shkoj”.

“Pasi me prezencë fizike nuk do të mbajmë mësim atëherë si ka mundësi të shkojmë në shkollë, të pyetemi me nota, a nuk ka virus?”

“Në qoftë se shkojmë me grupe-grupe unë kisha pyetur, a nuk ka aty virus. Nuk është e arsyeshme të shkojmë grupe-grupe për notim, ndërsa për mësim me prezencë fizike nuk është e arsyeshme që mos të shkojmë”.

Burim Rexhepi, mësimdhënës i informatikës tha se nxënësit do t’i vlerësojë nga testi me pyetje dhe përgjigje, punim seminarik dhe projekt të caktuar. Ai shtoi se nuk do të bëhen lëshime gjatë notimit.

Do të ketë lëshime mirëpo jo lëshime të notimit, lëshime në kuadër të ofrimit të mundësive. Nëse nxënësi në këtë rast nuk është i kënaqur me notën e caktuar që ai nuk e dëshiron atëherë ka kohë shtesë dhe ka material shtesë në të cilën duhet të përgatitet, varësisht prej kohës. Mund t’i jepet një javë ose 10 ditë që ta marrë ose ta meritojë, thënë më mire notën që e dëshiron ama jo lëshim nëse duhet nota të jetë tre e ne t’i japim 5, sepse është pandemi, ashtu jo – tha Burim Rexhepi, mësues i informatikës.

Ditë më parë, Ministria e Arsimit dhe Byroja për Zhvillimin e Arsimit njoftuan se deri më 20 nëntor nxënësit duhet të marrin notat e para lidhur me suksesin e arritur nga mësimi online. Byroja për zhvillimin e Arsimit gjithashtu doli me rekomandimin që notimi i nxënësve të zhvillohet online për shkak të rritjes së infektimeve, por edhe me prani fizike të nxënësve nëse mësimdhënësi nuk do të jetë në gjendje që vlerësimin ta bëjnë nga distanca, duke respektuar masat për mbrojtjen kundër covid-19. Në një klasë nuk duhet të ketë më shumë se dhjetë nxënës ndërsa qëndrimi i tyre në klasë gjatë vlerësimit të zgjasë nga 20 deri 30 minuta.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending