Genc Prelvukaj merr titullin Doktor i Shkencave në Zagreb, Eni Koçi krah tij në ceremoninë e doktoraturës

Reperi i njohur shqiptar, Genc Prelvukaj, ka arritur një tjetër sukses të rëndësishëm, kësaj radhe në fushën akademike.

Artisti ka bërë të ditur se nga sot mban titullin Doktor i Shkencave në fushën e Historisë, pasi ka mbrojtur me sukses temën e doktoraturës në Universitetin e Zagrebit.

Lajmin e ka ndarë vetë Prelvukaj përmes disa fotografive të publikuara në llogarinë e tij zyrtare në Facebook, ku ka zbuluar edhe detaje nga ceremonia e mbrojtjes së doktoraturës.

“Sot, më datë 05.11.2026, në ambientin e Universitetit Shtetëror të Zagrebit, para komisionit të përbërë nga Izv. Prof. dr. Sc. Vlatka Vukelić, Prof. dr. Sc. Tomislav Galović dhe Nasl. Prof. dr. Sc. Željko Holevac, nën mentorimin e Akademik Stjepan Ćosić, kam mbrojtur temën e doktoraturës ‘Komponenta Shqiptare në etnohistorinë malazeze në kohët paramoderne XIII-XVIII’. Me këtë rast kam marrë titullin Doktor i Shkencave në fushën e Historisë”, ka shkruar reperi.

Në këtë ditë të veçantë për të, pranë Gencit ishte edhe bashkëshortja e tij, këngëtarja e njohur shqiptare Eni Koçi, e cila e ka shoqëruar gjatë këtij momenti të rëndësishëm.

Prelvukaj, i cili prej vitesh është një nga emrat e njohur të skenës muzikore shqiptare, tashmë i shton karrierës së tij edhe një arritje të rëndësishme akademike. /Telegrafi/