Gjiko thotë se Blunt dhe Real 1 kanë vdekur si artistë, realizon një ‘diss’ për ta në mes të emisionit

Reperi i njohur Gjiko, vazhdon të jetë personazh shumë i komentuar dhe mjaft i pëlqyer nga publiku shqiptar.

Ai së fundmi ka qenë pjesë e emisionit “Shiko kush Luan”, ndërsa është përballur me lojëra të ndryshme.

Në sfidën me Paintball, është vënë përballë pyetjeve ‘pikante’, përgjigjen e së cilave e ka dhënë duke goditur fotografitë e këngëtarëve në tabelë.

“Cili nga artistët në tabelë është artisti më i dobët në karrierë?”, ishte pyetja që Fifi i drejtoi Gjikos dhe reperi bëri zgjedhjen e tij, duke shënjestruar reperët Blunt dhe Real1.

Një tjetër pyetje për reperin nga Peja ishte se cilit prej reperëve në tabelë do t’i bënte ‘diss’ dhe shënjestra ishin përsëri Blunt dhe Real1.

Më pas, Gjikos iu kërkua t’i kushtonte disa rreshta kolegëve. I njëjti fillimisht refuzoi, duke thënë: “Pse t’i bëj të famshëm, sa kanë vdekur pse duhet t’i ringjall?” Megjithatë, dy vargje nuk kanë munguar nga ai.

“Gjith i njëjti Gjiki, kurr’ s’i prishet tripi.E marr Zhiten e qes n’Blunt, e smokiti”, ka qenë ky ‘diss-i’ i reperit i realizuar në studio për të dy reperët.

Kujtojmë që Blunt në vitin 2018 ka bërë disa fyerje kundrejt Ledri Vulës dhe Gjikos, gjë që bëri të ketë më pas reagime edhe nga këta të fundit. /Telegrafi/