Festivali ‘Hyjnesha në Fron’ zhvillon edicionin e 13-të të tij në formatin online

Festivali ‘Hyjnesha në Fron’ këtë vit e nis edicionin e 13-të të tij! Këtë vit festivali ka formë tjetër për shkak të gjendjes së pandemisë që po zotëron në gjithë botën!

Festivali po mbahet online në platformen e Facebookut të Hyjnesha në Fron, në kanalin YouTube dhe uebfaqen zyrtare të festivalit Festfilmkosova.com.

‘Hyjnesha në fron’ pati premieren e ceremonisë hapëse me datë 30 tetor nga ora 19:00 ku pjesëmarrës ishin në linje të drejtpërdrejt juria e festivalit dhe disa miq e regjisorë të cilët konkurrojnë me filmat e tyre!

Juria në këtë festival sivjet përbëhet nga pesë anëtarë:

Koray Demir/ regjisor dhe producent nga Stambolli – juri për filma me metrazh të gjatë.
Maryam Zahirimehr/ regjisore dhe producente – juri për filma me metrazh të gjatë.
Kaoru Kajitani – juri për filma me metrazh të gjatë.
Darwin Reina/ aktor dhe regjisor – juri për filma me metrazh të shkurtë.
Kimete Berisha/ publiciste – juri për filma me metrazh të shkurtë.

Festivali zgjatë katër ditë, deri me datën 2 nëntor ku do te mbahet online ceremonia përmbyllëse!

Gjithsej janë afër 25 filma të metrazhit të shkurtë dhe te gjatë në konkurrencë! /Telegrafi/