Showbiz
Capital T tregon se pse e refuzoi për bashkëpunim Fifin: Ajo bën shumë këngë më të mira se ajo që më propozoi
Reperi i njohur Capital T, është shumë i lidhur me fansat e tij në rrjetet sociale.
Së fundmi, ai u ka dhënë mundësinë ndjekësve të tij në Instagram që t’i parashtrojnë nga një pyetje, të cilave më pas ai do iu përgjigjej.
Një nga ndjekësit e ka pyetur Kapon mbi një bashkëpunim të mundshëm me Fifin, që mesa duket ka qenë në plan të realizohet, por nuk ndodhi.
Fotomontazh: Fifi/Capital T/Instagram
Reperi përmes një përgjigje ka shpjeguar arsyet që çuan deri në anulimin e këtij bashkëpunimi, e që mesa duket pret një material më të duhur në të ardhmen, në mënyrë që të realizohet.
“[Bashkëpunimi me Fifin është refuzuar] Sepse nuk më është përshtatur koha për shkak të albumit dhe kënga s’ka qenë e duhura. Fifi bën shumë këngë më të mira se ajo që ma ka propozuar, përndryshe më pëlqen shumë si këngëtare”, ka shkruar Capital T në InstaStory.
Foto: Capital T/InstaStory
Reperi prishtinas përndryshe njihet për një numër të madh bashkëpunimesh me artistë shqiptarë, që kanë rezultuar thuajse gjithmonë të suksesshme. /Telegrafi/
