Connect with us

Maqedoni

VMRO-DPMNE-ja nuk i mbështet ndryshimet në ligjin për mbrojtjen e popullsisë

Published

on


Kur kanë mbetur edhe dy ditë nga koordinimi mes pushtetit dhe opozitës me qëllim përafrimin e qëndrimeve ndaj propozim-Ligjit për mbrojtjen e Popullsisë nga sëmundjet ngjitëse, palët duket se akoma janë në pozita të kundërta. LSDM akuzon opozitën se gjëja e fundit për të cilën kujdesen është shëndeti i qytetarëve.

“VMRO-DPMNE-ja me ditë të tëra bllokon dhe zvarritë miratimin e masave shumë të rëndësishme për ballafaqim me pandeminë, që në mënyrë të drejtpërdrejtë rrezikon shëndetin e qytetarëve. Tendencat e tyre për obstruksione dhe bllokada ndaj ndryshimeve ligjore dhe Komisionit për Sëmundje Infektive janë të paramenduara dhe për qëllim kanë përfitimet e poenëve politik në llogari të Hristijan Mickoskit”, njoftojnë nga LSDM-ja.

Opozita propozimin e cilëson si mekanizëm për t’i dhënë mundësi inspektoratit të gjobisë më lehtë. Ndonëse e cilësojnë si propozim që nuk ka bazë për ta parandaluar shfrenimin e pandemisë, partia e Mickoskit thotë se nuk do të bëj bllokadë në Kuvend por do të votojnë të “përmbajtur”.

“Ne kërkojmë Komision Special për Sëmundje Ngjitëse. Le të jetë pa kuadro partiak dhe me njerëz kualitativ. T’i jepet hapësirë profesionistëve sepse bëhet fjalë për të mirën e shtetit. Ne si opozitë tentojmë të jemi korrektues i pushtetit por kur bëhet fjalë për shëndetin e qytetarëve jemi në anën e tyre. Kuptohet se çdoherë kur pushteti ka nevojë për opozitën, ne gjithmonë jemi këtu”, tha Vllado Misajllovski, Nënkryetar i VMRO-DPMNE-së.

Lidhur me kërkesën e disahershme për dorëheqjen e Ministrit të Shëndetësisë, Venko Filipçe, Misajllovski shton se Filipçe duhet të dorëhiqet dhe të lejojë ekspertët të kryejnë punë e tyre. Për momentin nuk ka paralajmërime për hapa më rigoroz të opozitës ndaj ministrit, siç është interpelanca në Kuvend. Nga ana tjetër Filipçe thotë se nuk sheh arsye për dorëheqje pasi sipas tij vendi po përballet në mënyrë shembullore me pandeminë dhe se gjëja e vetme që duhet të bëj opozita është rreshtimi me mekanizmat kundër pandemisë.

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending