Connect with us

Showbiz

Vlora Dumoshi pas pritjes në takim të Armend Rexhepagiqit: Lum ne që të kemi

Published

on

Ministrja e Kulturës, Rinisë dhe Sportit, Vlora Dumoshi, ka mirëpritur në zyrën e saj një prej kantautorëve më të shquar shqiptarë.

Ajo është takuar me Armend Rexhepagiqin, me të cilin përveç të tjerash ka edhe një miqësi shumë të mirë.

Në disa fotografi të realizuara gjatë takimit e të ndara me ndjekësit në Facebook, Dumoshi shkruan se miqësisht i kërkoi këngëtarit dhe kompozitorit të njohur që sa më shpejt të rikthehet me një koncert recital për adhuruesit e muzikës së tij.

Foto: Vlora Dumoshi/Facebook

“Me Armend Rexhepagiqi, ikonën e Prishtinës, mikun tim të mijëvjeçarit të kaluar. Folëm pak për të shkuarën, për Prishtinën ku jemi lind e rritë, për dinamikën e sotme për trendin me të cilin po zhvillohet kultura në Kosovë dhe veçanërisht për organizimin e koncerteve që do të pasuronin jetën tonë kulturore. Shfrytëzova rastin që miqësisht në emër të të gjithë adhuruesve të këngës së tij, ta lus të na vijë sa më shpejtë me këngë të reja. Armend, lum ne që të kemi”, ka shkruar Vlora Dumoshi në Facebook.

E njëjta ka nderuar së fundmi emra të shumtë nga kultura me çmimet për muzikë dhe teatër. /Telegrafi/

Foto: Vlora Dumoshi/Facebook