Connect with us

Maqedoni

Shkupi, Strumica dhe Manastiri “vlojnë” nga muzika

Published

on


Koncerte, ahengje, muzikë. Mbrëmja e  së shtunës, përveç kallëzimeve penale kundër lokaleve, solli edhe shkelje të protokolleve për mbrojtje nga koronavirusi. Përkundër kallëzimeve penale dhe vendimit që nuk guxon të punojë për shkak të mosrespektimit të rregullave shëndetësore, kishte koncert të ri të këngëtarit malazez, Vlado Georgiev në kafenenë Mosh.

Videoja tregon se mysafirët nuk kanë maska e as që mbajnë distancë. Megjithëse ka vendim që “Mosh” të mbyllet, ai funksionon sepse inspektorja që kreu inspektimin ka qenë në izolim. Edhe sot lokali ishte i hapur dhe kishte mysafirë që pinin kafenë e pasdites.

Përveç “Mosh” -it, aheng pa respektuar protokollet kishte edhe në restorantin “Gnezdo”. Edhe ky objekt është gjobitur.

Protokollet shëndetësore nuk u respektuan as në Manastir.

Koncert të drejtpërdrejtë kishte edhe në klubin “Avatar” në Strumicë mbi të cilin tashmë ka dy kallëzime penale për mosrespektim të protokolleve. Ahengu ishte pa maska.

Megjithëse Inspektorati Shtetëror i Tregut shkruan gjoba në terren, pronarët e lokaleve nuk janë shumë të shqetësuar. Përballen vetëm me gjoba. Ndiqen penalisht vetëm sipas neneve 205 dhe 206 të Kodit Penal.

Neni 206 i Kodit Penal

(1) Një person i cili gjatë ndonjë epidemie të sëmundjes së rrezikshme infektive nuk vepron në përputhje me rregulloret ose urdhrat që përcaktojnë masat për pengimin ose parandalimin e saj, dënohet me të holla ose burg deri në 1 vit.

(2) Nëse vepra penale nga ky nen kryhet nga personi juridik, dënohet me të holla”.

Në këtë mënyrë, aty ku inspektorët e tregut kanë konstatuar mosrespektim të protokolleve, shkruajnë vetëm gjobë në të holla, që sillet nga 2 deri në 4 mijë euro.

Opozita për shkak të shkeljes së vazhdueshme të rregullave shëndetësore për shkak të KOVID 19 në ambiente të caktuara, vlerëson që pronarët e tyre janë të mbrojtur.

“Për fat të keq, ka gjithmonë dikush nga pushteti që në çdo mënyrë e le gjitha këtë anash dhe u ndihmon lokaleve të caktuara”.

Drejtori i Inspektoratit shtetëror të tregut ka dorëzuar nismë në Këshillin e Inspektimit duke kërkuar rritje të kompetencave të inspektorëve. Stojko Paunovski shpjegon për Alsat se qëllimi është që, përveç padive penale, nëse një restorant i caktuar shkel protokollet shëndetësore për herë të dytë, inspektori mund të mbyllë menjëherë objektin. Vetëm mbrëmë, Inspektorati i tregut ka shqiptuar 19 gjoba dhe po aq paralajmërime. Për më tepër, janë shkruar shtatë kallëzime për restorantet që organizonin dasma. Qeveria thotë se ata nuk e kanë marrë nismën e Inspektoratit shtetëror të tregut, por se kur të arrijë, do të shqyrtohet dhe do të vendoset nëse do të fillojnë ndryshimet ligjore në Parlament për kompetenca më të mëdha. Ndryshimet votohen me shumicë të thjeshtë.

Bojan Stojanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending