Connect with us

Maqedoni

Mickovski: Nuk e japim Goce Dellçevin

Published

on


Kreu i VMRO DPMNE Hristijan Mickoski beson se gjuha maqedonase dhe Goce Dellçevi nuk duhet të negociohen me Bullgarinë, sepse janë pjesë e identitetit kombëtar. Në një intervistë për “Radion Evropa e Lirë”, Mickoski tha se qeveria po bën imazh të rremë të asaj çfarë saktë është në tryezën e negociatave me fqinjin e saj lindor dhe e akuzoi kryeministrin Zoran Zaev se është fajtor për memorandumin bullgar.

“Praktikisht, duke pranuar negociatat për karakterin dhe veprën e Goce Dellçevit si shtet, ne duhet të pranojmë që jemi një komb që ekziston nga viti 1945. A ka ndonjë poshtërim më të madh për të negociuar dhe të thoni se paraardhësit tanë- gjyshërit e mi, stërgjyshërit e mi që vdiqën duke luftuar për Maqedoninë, të cilët flisnin maqedonisht, tërë këtë ta zhvlerësojmë dhe ta fshimë, sepse tani një politikan i paaftë i ka vendosi në tryezën e negociatave- deklaroi Hristijan Mickoski – Kryetar i VMRO DPMNE.

Lidhur me përplasjet brenda-partiake, Mickoski përsëriti qëndrimin se ata që kërkojnë dorëheqjen e tij janë “shërbëtorë të mafies”, por disa ish funksionarë si ish-ministri Nikola Poposki dhe ish-kryeministri teknik Emil Dimitriev nuk i fusin në të njëjtin grup.

“Nuk mund të pajtohem që këta të dy dërguan mesazhe të tilla. Nëse e shikoni veçanërisht paraqitjen e Dimitrievit, lehtë mund të vini në përfundimin se e thotë të kundërtën e asaj që tentuan ta defokusojnë disa kontribute gazetareske për fat të keq. Këta, shërbëtorët e mafies dhe këta të dy nuk duhet të barazohen sepse kanë pozicione krejtësisht të ndryshme që janë të ngjashme në drejtim me ato të VMRO DPMNE-së- pohoi Hristijan Mickoski – Lider i VMRO DPMNE-së.

Lidhur me votat e humbura në zgjedhje, Mickoski thekson se sondazhet partiake treguan se 65% e njerëzve nuk kanë dalë në votime për shkak të pandemisë Covid 19, ndërsa për masat ekonomike ai propozon vazhdimin e subvencioneve të pagave dhe nivelizimin e TVSH-së në industrinë e hotelierisë.

Alsat

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending