Connect with us

Maqedoni

Shkupi dhe shumë qytete edhe sot ngulfaten në tym

Published

on


Shkupi po mbytet në tym. Kështu duket metropoli në fillim të sezonit të ngrohjes. Stacionet matëse kanë treguar nivel të lartë të ajrit të ndotur. Disa banorë të Shkupit vendosën të shmangin ndotjen e ajrit dhe të thithin ajër më të pastër në mal.

“Është më pastër. Përse keni ardhur? Kemi ardhur sepse jetojmë në banesë, jetojmë në Qendër. A është dallimi i madh? Epo, këtu nuk ndjehet ndotja”.

“Kuptohet që është më pastër. Prej këtu shihet shtresa e ndotur e ajrit. A shqetësoheni kur shihni se Shkupi është i ndotur dhe se duhet përsëri të shkoni poshtë? Është shqetësim, por s’kemi çfarë të bëjmë. Jemi mësuar me vite”.

“Më keq është për fëmijët, por edhe për ne, por fëmijët tërë kohën jetojnë në mjegull. Është për keqardhje. Në Shkup çdo gjë digjet pa kurrfarë ndërgjegje”.

Sot ajri i ndotur është në disa qytete, si Tetovë, Kërçovë, Kumanovë dhe Koçan.

“Derisa thithim ajër të ndotur, katër stacione matëse shtetërore nuk tregojnë nivelin e ndotjes së ajrit. I tillë është rasti me dy stacionet matëse në Shkup gjegjësisht në Rektorat dhe ai mobil në Gjorçe Petrov. Niveli i ndotjes së ajrit nuk është matur as në Milladinovcë dhe Strumicë. Këto stacione matëse do të mbeten të prishur deri në fund të dhjetorit, kur pritet të riparohen”.

Ambientalistët thonë se nuk po merren masa të mjaftueshme për të luftuar ndotjen e ajrit. Sipas Ministrisë së Mjedisit, masat tashmë po japin rezultate dhe ajri nuk është ndotur si më herët.

Igor Stefanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending