Connect with us

Maqedoni

Shahpaska: Ka vende të lira në çerdhe, nënat duhet të kthehen në punë

Published

on


Qeveria nuk lëshon pe. Mbetet në qëndrimin se edhe nënat që kanë fëmijë deri në 6 vjeç duhet të kthehen në vendet e tyre të punës. Ministrja e Punës dhe Politikës Sociale Jagoda Shahpaska tha se në çerdhet e vendit ka hapësirë prandaj nuk ka bazë kërkesa e nënave që pushimi i prolonguar i lindjes të vazhdojë deri me 31 dhjetor.

Me hapjen e çerdheve, përfundon nevoja e të qëndruarit në shtëpi për momentin kur ka se kush kujdeset për fëmijët, dhe kur themi këtë e themi se janë siguruar gjitha parakushtet për përkujdesje si duhet dhe të sigurt në pajtim me protokollet fëmijët duhet të vinë në çerdhe. Hapësirë ka”-tha Jagoda Shahpaska. Ministre e Punës dhe Politikës Sociale.

Shahpaska nuk komentoi kërkesën kryesore të nënave që kanë fëmijë nën gjashtë vjeç, për atë se, çfarë do të ndodh me rrogën dhe kush duhet ta mbulojë atë, në rast të infektimit të fëmijës, siç ndodhi në çerdhen e Manastirit, ku që javën e parë, të sëmurë rezultuan pesë fëmijë ndërsa katër edukatore, përfunduan në izolim.

Ndërkaq në çerdhen në Manastir ku rastet e para të infektimit me kovid 19 u shfaqen vetëm tre ditë pasi filloi me punë ky institucion, ditë më parë është shfaqur edhe rasti i dytë i infektimit me virusin korona. Bëhet fjalë për një edukatore që ka rezultuar pozitive me virusin korona, ndërsa për pasojë, në izolim shtëpiak, kanë shkuar edhe 13 fëmijë që ishin nën përkujdesjen e kësaj edukatoreje.

 

 Bashkim Sulejmani    

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending