Connect with us

Maqedoni

Transparenca në institucione, pothuajse zero

Published

on


Transparenca e institucioneve shtetërore mezi kalon kuotën zero, konstaton Agjencia për qasje të lirë tek informatat me karakter publik. Qytetarët dhe gazetarët kanë të drejtë të ndjekin punën e të gjitha organeve shtetërore deri në nivelin e informacioneve me karakter publik. Por, procedurat e një “Feedback-u” me përgjigje ose sqarime nga funksionarët ndonjëherë zvarriten deri në pafundësi. Nga kjo Agjenci thonë se lojaliteti i institucioneve do të matet me afatet kohore të transparencës, përndryshe do të pasojnë sanksionet.

Me Ligjin për qasje të lirë të informacioneve me karakter publik nga viti 2019 janë paraparë sanksione ndaj kundërvajtjeve për personat zyrtarë që posedojnë informacionet përkatëse në rast se nuk veprojnë sipas kërkesave apo mos veprim sipas vendimeve të Agjencisë. Janë ngritur 6 procedura ndërkohë 2 janë tërhequr sepse kërkuesit i kanë marrë informacionet e duhura, 4 të tjerat janë proceduar kundër personave zyrtarë”-tha Pllamenka Bojçeva, Drejtoreshë e Agjencisë për informata me karakter publik.

Aktualisht, mbi 600 ankesa të palëve janë duke u shqyrtuar nga kjo Agjenci, prej të cilave vetëm 4 janë proceduar për kundërvajtje. Që nga funksionimi i kësaj Agjencie janë dorëzuar mbi 8.700 kërkesa nga qytetarët dhe mediumet për qasje të informacioneve me karakter publik. Ministri i ri i Shoqërisë Informatike dhe Administratës, Jeton Shaqiri, pa komentuar të kaluarën, tha se ka një plan që sot e tutje.

 Do të punojmë në modernizimin dhe unifikimin e ueb faqeve të ministrave dhe Qeverisë së RMV për avancimin e transformimin digjital, si dhe për transparencë dhe llogaridhënie. Ndërtimi i ueb faqeve të unifikuara të qeverisë dhe të ministrive, ndërsa në fazën mëtejshme edhe të institucioneve tjera ka për qëllim centralizimin e ueb faqeve që të jenë në shërbim sa më efikas të qytetarëve”-pohoi Jeton Shaqiri, Ministri i Shoqërisë Informatike dhe Administratës.

Paneli i diskutimit për “Ndikimin e politikave të reja ndaj jo-transparencës së institucioneve publike” nga shoqata ESE vuri në dukje që gjatë vitit 2019, vetëm 2 nga 25 institucionet kryesore janë vlerësuar si pjesërisht transparente. Qeveria dhe Ministria e Financave vjet kanë publikuar 40-60% të punës së tyre programore dhe financiare, kurse institucionet shëndetësore mbeten në fund të listës informacioneve me karakter publik.

  Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending