Connect with us

Maqedoni

Bllokohet platforma për mësim online

Published

on


Ndërkohë që mësimin online më 1 tetor duhet ta ndjekin nxënësit e shkollave që nuk siguruan leje për mësim me prani fizike, dy ditë para fillimit të vitit shkollorë, platforma nacionale e krijuar për këtë qëllim schools.mk, u bllokua. Kjo ngjalli furi reagimesh në opinion. Në arsyetimin e saj, Ministria e Arsimit, që gjatë fundjavës informoi se kjo platformë është në dispozicion të nxënësve, mësimdhënësve dhe prindërve, sot tha se vazhdojnë të bëhen testime.

Ministria e Arsimit:

“Testimi është pjesë e procesit të arritjes së funksionalitetit të plotë të platformës, dhe në fazën e provës të gjitha sfidat zbulohen dhe kapërcehen. Në mënyrë që të sigurohet një platformë plotësisht funksionale deri në fillim të vitit shkollor, testet do të vazhdojnë në ditët në vijim. Aktualisht janë duke u bërë të gjitha përgatitjet, testimet dhe optimizimet e platformës.”

Pas bllokimit të platformës nacionale, sot reaguan edhe  nga VMRO-DPMNE nga ku thanë se platforma e promovuar nga MASH nuk i rezistoi testimit as 30 minuta. Marija Miteva nga partia opozitare maqedonase tha se LSDM-ja ka shkaktuar kolaps të plotë të sistemit arsimorë në vend. Sipas saj platforma u tregua jofunksionale, ndërkohë që disa prindër kanë shpenzuar rreth 20 mijë denarë për laptop.

Që kur nxënësit dhe mësimdhënësit morën udhëzimet për të punuar me këtë platformë, e njëjta është treguar plotësisht jofunksionale. Fillimisht nuk kishin as qasje në platformë dhe më pas as që mund të kyçeshin. Një nga arsyet kryesore për mosfunksionim të platformës është ngarkesa. Si do të mundësohet për dy ditë qasje dhe funksionim i plotë i kësaj platforme?”-tha Marija Miteva -VMRO-DPMNE.

Gjatë fundjavës, nxënësit morën profilet dhe fjalëkalimet e tyre personale për t’u kyçur në platformën online. Rekomandimi ishte që të hynë në sistem me një fjalëkalim të dhënë, të ndryshojnë atë dhe të mos e harrojnë, pasi që krijimi i një profili të ri në këtë pikë është një proces i komplikuar.

Evi Shkopi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending