Connect with us

Maqedoni

Qytetarët: Çmimi i drurit për ngrohje po rritet nga viti në vit

Published

on


Shitja e druve për ngrohje po shënon ulje nga viti në vit. Këtë vit, gati 8,000 metra kub dru u shitën më pak se vitin e kaluar. Pyjet e Maqedonisë kanë shitur 228,000 metra kub dru për tetë-muaj, ndërsa vitin e kaluar janë shitur 236,000 metra kub.

“Mënyra e ngrohjes së qytetarëve ndryshon nga viti në vit, në varësi të fuqisë blerëse dhe çmimit të energjisë në atë periudhë”, thonë nga Pyjet e Maqedonisë.

Çmimi i druve për ngrohje për metër kub shkon deri në 3,000 denarë. Druri i ahut, ndryshe nga dushku, është më i lirë për 100 denarë, përkatësisht shitet për 2,900 denarë. Çmime identike kanë edhe depot private. Sipas qytetarëve të anketuar nga Alsat, drutë për ngrohje shtrenjtohen çdo vit. Por, tani vështirë se dikush ngrohet me dru.

“Epo, me rrymë do të paguani 5,000 – 6,000 denarë për energji elektrike. Nëse ngroheni për gjashtë muaj 30,000 denarë, dhe kjo është 15,000 denarë. Mirë është. Ngrohje qendrore nuk ka, kondicionerë nuk ka dhe kështu me radhë. Me dru është më lirë, por edhe nuk është pastër, por çfarë të bësh”.

„Me energji elektrike. – Nuk ngroheni me dru? – Ngroheshim, por tani me energji elektrike. – Pse hoqët dorë nga drutë? – Epo nga ngrohja qendrore. Nuk ka para që të jepen të gjitha menjëherë, por për çdo muaj është ndryshe”.

Sipas statistikave të fundit, në vitin 2018, u prenë mbi 800,000 metra kub dru. Pyjet e Maqedonisë u bëjnë thirrje qytetarëve që ngrohen me dru, por të mos shtojnë dru të lyer me bojëra, qymyr, orendi të vjetra, goma, plastikë ose mbeturina, sepse kjo shkakton ndotje.

Igor Stefanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending