Connect with us

Maqedoni

Gastronomët nga Ohri e Struga kundërshtojnë kthimin e masave

Published

on


Kthim një hap prapa. Kështu i vlerëson shoqata e gastronomeve nga Ohri dhe Struga masat e reja të Komisionit për Sëmundje Infektive dhe Qeverisë. Ata thonë se në kohë kur sezoni turistik ishte shumë më i dobët se vitin e kaluar, dhe kur nuk kishte pothuajse asnjë turist të huaj, dhe të ardhurat ishin shumë më të ulëta se vitin e kaluar, masat e këtilla do të ndikojnë edhe më shumë në punën e tyre.

Kjo do të krijojë problem shtesë për ne, sepse te njerëzit do të krijohet mendim negativ, se ja, ka diçka. Në vend që të flasim se çfarë të bëjmë më tej, ne kthehemi prapa. Nuk mundet që për shkak të tre ose katër objekteve gastronomike në Maqedoni, çmimin ta paguajnë të gjithë gastronomët – u shpreh Ilker Gavaz- gastronom nga Struga.

Disa nga gastronomet shpresojnë që të paktën të mos ketë shkurtim të orarit të punës.

Periudha që ndodhi në mars, ne mundëm disi të bëjmë përpjekje shtesë për dy ose tre muaj të tjerë, kemi pritur të fillojë sezoni, për ta shtyrë disi. Por tani para nesh kemi nëntë muaj. Sidomos për vende turistike të vogla si ne , ku funksionojnë tre ose katër muaj. Kështu, kjo do të thotë kolaps i plotë për të gjitha hoteleritë – deklaroi Erhan Su-grupi për turizëm- Ohër.

Su thotë se duhet të merret parasysh fakti që asnjë vatër e vetme e koronavirusit në këto tre katër muaj nuk ka dalë nga objektet gastronomike. Një ditë më parë, qeveria pranoi masat kufizuese të Komisionit, me të cilat në objektet gastronomike nuk lejohen këngëtarë, grupe muzikore, Di xhej. Gjithashtu kufizohet edhe niveli maksimal i zhurmës në 55 decibel, si dhe kufizohet numri maksimal i lejuar i personave në një tavolinë me 4 persona.

Miki Trajkovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending