Connect with us

Maqedoni

Shkup, vazhdojnë dorëheqjet e infermiereve në Klinikën Infektive

Published

on


Alsat mëson se edhe një infermiere ka vendosur ta braktisë Klinikën Infektive në Shkup. Bëhet fjalë për infermieren Irena Popkoçeva, e cila nuk deshi që përmes telefonit të japë komente për vendimin e saj. Megjithatë mësohet se edhe disa kolege të saj në repartin e pacientëve me CoVid-19 në Klinikën Infektive janë në prag të dorëzimit. Përkundër presioneve për mos të publikuar situatën brenda klinikës, një infermiere iu drejtua Alsatit. Ajo në kushte anonimiteti flet për problemet e shumta.

 Si numër u zvogëluam, duke pasur parasysh se nuk kemi shfrytëzuar as pushimet vjetore u bë situata e padurueshme si mes kolegëve ashtu edhe ne raport me mjekët. Që të përkeqësohet gjendja edhe më tej, çdo shkuarje ne punë ishte nën stres, me mobing, me fyerje, sjellje të pahijshme madje edhe prej disa pacientëve”-pohon Infermierja nga Klinika Infektive.

Disa prej infermiereve madje thonë se kanë qenë të infektuara nga kontakti direkt me pacientët për të cilët kujdesen nga 8 orë në ditë. Përveç pasojave shëndetësore, ankohen edhe për pasoja psikike.

 Këto përjetime tani më kanë filluar të na shkatërrojnë psikikisht të 90% të infermiereve. Ne paratë që marrim nga kujdestaritë duhet t’i shpenzojmë për larje dhe dezinfektime në shtëpi. Ndërsa ka raste ku punojnë dy persona nga e njëjta familje do të thotë të gjitha shpenzimet i bëjmë për të ruajtur shëndetin tonë, duke blerë shampo e dezinfektues”, thotë një infermiere anonime nga Klinika Infektive.

Pas dorëheqjes se tri infermiereve javës që shkoi, infermieret ankohen se vetëm nga dy prej tyre kujdestarojnë në gjithë repartin, duke iu dhënë terapinë pacientëve dhe të gjitha trajtimet e tjera. Infermieret e Klinikës Infektive kërkojnë që për të vazhduar betejën kundër pandemisë duhen përmirësime urgjente të kushteve të punës.

 Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending