Connect with us

Maqedoni

Qeveria nuk diskutoi heqjen e testit PCR si kusht për kalimin e kufijve

Published

on


Qeveria nuk diskutoi sot për hapjen e kufijve pa test PCR negativ me vendet e rajonit. Burime nga mbledhja e Qeverisë bënë të ditur se në rend dite nuk ishte propozuar rekomandimi i Komisionit për Sëmundje Infektive për heqjen e testit PCR. Shtabi Krizës ndërkaq nuk ka marr vendim përfundimtar për të.

Në ndërkohë mësohet se negociatat mes grupit të punës nën udhëheqjen e përfaqësuesit të Ambasadës së SHBA-ve në Shkup janë në drejtimin e duhur. Maqedonia e Veriut, Kosova dhe Mali i Zi janë pajtuar për heqjen e testit njëkohësisht, ndërsa gjatë javës pritet qëndrimi përfundimtar i Qeverive në Bosnjë dhe në Serbi. Kosova, sipas analizave rajonale gjendet në stadin më të qëndrueshëm mbi kontrollin e pandemisë. Autoritetet kosovare kanë potencuar se pasqyra epidemiologjike e vendit lejon heqjen e testit PCR negativ, por sipas burimeve të Alsat, Ministria e Shëndetësisë në Kosovë pret dritën jeshile nga të gjitha vendet e rajonit. Javën që lamë pas në Serbi dhe Bosnjë pasqyra epidemiologjike ka treguar përkeqësim të situatës, por sipas autoriteteve nuk ka vatra të pakontrolluara.

Në rast se dështon përpjekja për heqjen e testeve PCR negativ me vendim të përbashkët, autoritetet vendase paralajmërojnë marrëveshje bilaterale me Kosovën dhe Serbinë, ndërsa më pas negociata të ndara do të zhvillohen edhe me Greqinë dhe Bullgarinë si vende anëtare të BE-së.

Çështja e hapjes së kufijve pa nevojën për PCR test negativ u aktualizua dy javët e fundit, kryesisht pas kërkesës së Odave Ekonomike nga vendet e rajonit të cilat kanë adresuar disa herë shqetësimet e tyre mbi humbjet e mëdha ekonomike si pasojë e kësaj mase e cila ka penguar shkëmbimin e mallrave dhe lëvizjen e lirë. Aktualisht vetëm Shqipëria nuk kërkon test negativ për transit apo lëvizje të lirë brenda shtetit shqiptar.

Adrian Kerimi

Click to comment

Leave a Reply

Your email address will not be published. Required fields are marked *

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending