Connect with us

Maqedoni

“Peshkatari”, dyshohet se 20 persona kanë vjedhur 1 milion euro

Published

on


20 persona fizik dhe 15 persona juridik të dyshuar për përfitime financiare nga furnizimet publike janë ndaluar nga policia financiare në kuadër të aksionit të koaduar “Peshkatari” i cili është hetuar prej disa muajve.

Për këtë grup të organizuar për “peshkimin” e tenderëve të ndërmarrjeve publike dhe institucioneve shtetërore, Prokuroria ngriti kallëzime penale për veprat: Evazion fiskal sipas nenit 279, Bashkëkryerja sipas nenit 22, Shpërdorimi i pozitës dhe autoritetit zyrtar sipas nenit 353 dhe Ndihma sipas nenit 24 të Kodit Penal.

“Ky është njëri nga 20 të dyshuarit, të cilët po sillen në hapësirat e Policisë Financiare, ku në prani të prokurorit përgjegjës për krim të organizuar dhe korrupsion po merren në bisedë informative me dyshimin se kanë bërë evazion fiskal dhe krim financiar”

Nga Policia Financiare thanë për Alsat se kanë rënë në gjurmë të rrjetit nga transaksionet bankare me shuma të majme, duke krijuar edhe firma fiktive për të thithur fondet publike.

Policia Financiare:

“Personi M. I. nga Shkupi sipas udhëzimeve dhe marrëveshjes së mëparshme me F. K. dhe E.K. nga Tetova, M. T. dhe A. D. nga Velesi, D. T., M. K. dhe V. B. nga Shkupi, në periudhën 2015-2017 në emër të katër personave juridik kanë përgatitur dhe dorëzuar 96 fatura me përmbajtje të pavërtetë nga 71,384,348 denarë përfshirë TVSH-në, pa pasur një marrëdhënie reale borxhi-kreditori me 8 persona tjerë juridikë dhe prej tyre morën fonde në vlerë totale prej 66,686,686 denarë në llogaritë bankare të depozituara në Capital Bank AD Shkup, të cilat ishin tërhequr pastaj në para të gatshme”

Policia Financiare kumtoi se fondet u tërhoqën në kundërshtim me rregulloret ligjore si hua ose kosto materiale, për të cilat ato nuk kishin asnjë justifikim ekonomik dhe nuk ishin në funksion të veprimtarisë së personit juridik dhe i kthyen ato me para te përdoruesit e faturave fiktive, dhe mbajti një komision për shërbimin në vlerë prej 2 % në 5%. Në mesin e të dyshuarve janë edhe bankierë, kontabilistë dhe biznesmenë.

Policia Financiare:

“Të dyshuarit me marrëveshje paraprake kishin përdorur fatura fiktive për prokurimin e pretenduar të mallrave dhe shërbimeve në vlerë totale prej mbi 70 milion denarë përfshirë TVSH-në në vlerë prej  mbi 9 milion denarë dhe në llogaritë përfundimtare shprehën të dhëna të pasakta dhe zvogëloi bazën tatimore për TVSH në shumën prej mbi 7 milionë denarë”

Sipas përllogaritjeve është dëmtuar Buxheti i shtetit në bazë të Tatimit mbi Vlerën e Shtuar, Tatimit mbi Fitimin dhe Tatimit Personal në të ardhura prej 62,933,835 denarë, apo mbi 1 milion euro. Të dyshuarit, pas bisedës informative do të nxirren para gjykatësit të procedurës paraprake për shqiptim të masave të arrestit apo edhe mbrojtje në liri. Sipas Kodit penal, vetëm akuza e evazionit fiskal është e dënueshme me burg nga 5 deri në 7 vjet.

 

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending