Connect with us

Maqedoni

Parregullsi në disa ndërtime në Çarshinë e Vjetër të Shkupit

Published

on


Inspektorati Shtetëror për Ndërtim dhe Urbanizëm ka konstatuar parregullsi në ndërtim në disa objekte që ndodhen në Çarshinë e Shkupit dhe për të njëjtat kërkon që të prishen.

Në dokumentin të cilin Alsat e ka siguruar në mënyrë jozyrtare përmenden parcelat me numër 9438, 8965 dhe 8959.

Parcela me numër 9438 e kontrolluar në sistemin online, bëhet fjalë për objektin i cili njihet si “Menada”, ndërsa tani “Hurem”. Për këtë Inspektorati ka konstatuar parregullsi në mbindërtim për çka ka vendosur për prishjen e asaj pjese.

Për parcelat me numër 8959 dhe 8965, Inspektorati ka ngritur procedurë për prishjen e disa pjesëve të objekteve që ndodhen aty. Nga ajo që shihet në versionin online të Kadastrës, në parcelën 8959 ndodhet objekti i ri i ndërtuar kohë më parë në të cilin ndodhet edhe hoteli DOA. Ndërsa parcela 8965 ndodhet po ashtu në këtë pjesë të Çarshisë.

Sipas Inspektoratit Shtetëror për Ndërtim dhe Urbanizëm parregullsi për ndërtim janë vërejtur edhe në parcelën 9173/1, objekt i cili ndërtohet pas Hotelit “Bushi Resor” dhe në parcelën 9317, e cila ndodhet në Qendër të Çarshisë afër “Kapan Anit”, ndërsa për këto objekte procedurat janë në vijim.

Qeveria në muajin shkurt e ka obliguar Inspektoratin Shtetëror për Ndërtim dhe Urbanizëm që të bëjë kontrolle plotësuese në Çarshinë e Vjetër. Por edhe pse e kanë marrë raportin nga Inspektorati, në pyetjen për Alsat përgjigjen se në seancën e mbrëmshme nuk e kanë shqyrtuar atë.

Qeveri

“Qeveria në seancën e nëntë nuk ka diskutuar dhe nuk ka vendosur për këtë çështje”

Kryetari i Komunës së Çairit thotë se pas raportit të Inspektoratit pret që Ministria e Transportit dhe Lidhjeve të veprojë, pasi ajo është kompetente për dhënien e lejeve për ndërtim në Çarshi..

“Ka disa objekte, tash nuk e di sepse inspektorati në fjalë i ka evidentuar, i ka procesuar dhe i ka dërguar atje ku duhet- tha Ganiu. 

Raportin nuk deshën ta komentojnë as në Ministrinë e Transporti e as në Inspektoratin Shtetëror për Ndërtim dhe Urbanizëm.

Mefail Ismaili

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending