Connect with us

Maqedoni

Infektohet mësuesja me Kovid-19, 17 nxënës të klasës së parë në izolim

Published

on


Koronavirusi ka hyrë edhe nëpër shkolla. 17 nxënës të klasës së parë të shkollës “Goce Delçev” në komunën Qendër janë në izolim. Mësuesja e tyre është e prekur nga Covid 19, por ka simptoma të lehta të sëmundjes. Kolegia e saj është gjithashtu në izolim e cila do të testohet të shtunën. Fëmijët e izoluar nuk kanë ende simptoma të virusit.

“Fëmijët duhet të ndjekin mësimet onlajn dhe tashmë po e bëjnë. Njëra mësuese që është në izolim, kur mund të japë mësim në bashkëpunim me mësuesen tjetër, i merr fëmijët dhe jep mësim onlajn”, deklaroi Nade Moleroviq, drejtor i shkollës fillore “Goce Delçev”- Shkup.

Sot vetëm në Shkup ka 176 të infektuar të rinj. Në kryeqytet, më shumë raste ka në Qendër. Me rënien e temperaturave pritet të ketë numër të shtuar të infektuarve.

“Nuk kemi vatra klasike, kemi përhapje të gjerë të infektimit. Kjo do të thotë që të gjithë duhet të jenë të kujdesshëm kudo dhe të respektojnë masat”, tha Aleksandar Stojanov, drejtor i QSHP- Shkup.

Banorët e Qendrës thonë se kryesisht të rinjtë nuk i respektojnë masat.

“Kryesisht respektohen, të paktën në tregti, dyqane dhe supermarkete”.

“Jo, nuk respektohen. Nuk mbahet distancë, nuk mbajnë maska, gjithçka është për shkakun tonë. Varet nga njerëzit. Prandaj në Qendër ka më shumë. Masat respektohen shumë pak”.

Vetëm në këtë komunë të Shkupit për 20% është rritur numri i infektimeve në mesin e qytetarëve të moshës midis 20 dhe 40 vjet. Aktualisht në këtë komunë ka më shumë bartës të koronavirusit.

Igor Stefanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending