Pas debateve të fundit, Donaldi dhe Iliri qëndrojnë në distancë dhe pa folur me njëri-tjetrin

Që nga fillimi i Big Brother VIP, aktori Donald Veshaj dhe balerini, Ilir Shaqiri kanë qenë në vëmendje të publikut dhe kjo si rezultat i debateve të shpeshta me njëri-tjetrin.

Dy banorët të cilët konsiderohen pretendentët kryesor për të fituar çmimin e madh prej 150 mijë eurosh kanë diskutuar vazhdimisht dhe kanë patur qëndrime të ndryshme pothuajse për secilën temë.

Një debat i fortë mes tyre ndodhi edhe në spektaklin e së premtes (4 shkurt), kur Iliri hyri në mes të diskutimit të Donaldit me moderatoren, Einxhel Shkira.

Iliri iu drejtuar Donaldit duke i thënë se edhe përkundër që ai vet e kishte pranuar se e ka tradhtuar bashkëshorten, aktori ia kishte përsërit sërish duke i thënë nëse ndihej fajtor për këtë.

Kjo bëri që Donaldi të acarohen edhe më shumë duke e kundërshtuar Ilirin, madje e quajti edhe person fals që ndryshe flet më të gjatë javës dhe ndryshe në ‘prime’.

Foto: Top Channel

Gjatë ditëve të fundit ata të dy nuk kanë komunikuar së bashku pothuajse në asnjë rast, kjo gjë u vu re edhe mëngjesin e sotëm (6 shkurt).

Donaldi dhe Iliri ishin të dy në oborr të ulur pranë pishinës, teksa i ndante një distancë e vogël por ata refuzonin të kishin ndonjë komunikim me njëri-tjetrin.

Theksojmë që finalja e BB VIP mbahet më 18 shkurt, ndërsa Iliri tashmë është përzgjedhur si finalisti i parë. /Telegrafi/