Connect with us

Maqedoni

317 raste të reja me Kovid-19, katër viktima dhe 104 të shëruar

Published

on


317 raste të reja, 4 viktima dhe 104 persona të shëruar është bilanci me koronavirus në 24 orët e fundit. Njëherësh ky bilanc paraqet numrin më të madh të pacientëve me koronavirus që nga fillimi i pandemisë. Në Shkup janë regjistruar 182 raste, në Koçan 18, në Shtip 13 dhe në Kumanovë, Strumicë dhe Gjevgjeli nga 12 raste. Gostivari ka regjistruar 11 raste të reja ndërsa qytetet tjera nën 10 të infektuar. Indeksi i të infektuarve në raport me numrin e testeve sot shënon 16 për qind, duke regjistruar probabilitetin më të madh në 10 ditët e fundit.

Sot më shumë të shëruar janë regjistruar në Shkup, Prilep dhe Kumanovë. Pas Shkupit i cili ka 1166 raste aktive, qytetet me numrin më të madh të rasteve aktive janë Strumica, Koçani, Tetova dhe Kumanova ndërsa në qytetet tjera ka nën 100 raste aktive.

Në kuadër të qytetit të Shkupit, më shumë raste aktive ka në Komunën Qendër, Aerodrom, Karposh, Kisella Vodë, Gazi Babë dhe Gjorçe Petrov. Ministri i Shëndetësisë, Venko Filipçe mbrëmë ka njoftuar se rritjen bilancit ditëve të fundit vendi është futur në fazën e pritur të virusit në vjeshtë. Sipas tij, në këtë situatë masat kufizuese janë mese të nevojshme. Filipçe ka shtuar se kufizimet dhe masat janë mjeti i vetëm për t’u mbrojtur nga pandemia, duke i bërë thirrje qytetarëve t’i respektojnë masat dhe të evitojnë lëvizjet e panevojshme.

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending