Connect with us

Maqedoni

Ngec hetimi rreth financimit të disa portaleve “parazgjedhore”

Published

on


Policia ende po heton kompanitë që Prokuroria e Krimit të Organizuar dyshon se kanë hapur qëllimisht portale interneti para zgjedhjeve të 15 korrikut. Një muaj pasi hetimi u njoftua zyrtarisht për publikun, Ministria e Brendshme vazhdon të mbledhë prova përse kompanitë kanë hapur portale në Internet, pa impresum, pa seli të faqes, dhe pa një listë çmimesh për reklamat politike të paguara. Dyshimi i policisë është se partitë janë reklamuar në portale me numër të ulët lexuesish.

Prokurori kompetent nga Prokuroria Themelore Publike për Ndjekjen e Krimit të Organizuar dhe Korrupsionit po ndërmerr të gjitha masat dhe aktivitetet e nevojshme në mënyrë që të sqarojë rastin. Duke qenë se rasti është në procedurë para hetimore, për momentin prokuroria nuk mund të ndajë detaje në lidhje me rastin për të cilën jeni të interesuar – njoftojnë nga Prokuroria Themelore.

Sipas informacioneve jozyrtare, VMRO-DPMNE është partia që ka paguar për reklama politike në zgjedhjet e fundit në portale, që janë hapur pak para ditës së votimit. Këto janë kompanitë “Global Net”, “Next Level Solutions” dhe “Media Com” – kompani nga të cilat policia konfiskon dokumente për krijimin e ueb faqeve. Kështu që do të kontrollohet reklamimi i: lady.mk, srekja.mk, gradina.mk, indigo.mk, visitskopje.mk, ekran.mk, biznisvesti.mk, times.com.mk. Elementi kryesor sipas të cilit Ministria e Brendshme filloi hetimin e ndërmarrjeve është pagesa e 20 mijë eurove nga arka e VMRO-DPMNE-së të shpërndarë në shtatë portale. Sipas Kodit Zgjedhor, shuma që mund të paguhet në një portal nuk duhet të jetë më e lartë se pesëmbëdhjetë mijë euro. Prokuroria për Krimin e Organizuar dhe Korrupsionin, një muaj më parë njoftoi se do të kontrollonte reklamimin politik të paguar, të partive të tjera, por deri më tani nuk ka asnjë njoftim zyrtar, nëse është hapur një hetim për subjekte të tjera politike, që morën pjesë në zgjedhjet e parakohshme parlamentare më 15 korrik të këtij viti.

Bojan Stojanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending