Connect with us

Maqedoni

Mësimi online, Mustafa: Do të kemi nxënës të paditur dhe analfabet

Published

on


Nxënës thuajse analfabet mund të jetë rezultati përfundimtar i këtij viti shkollor ku pjesa më e madhe e nxënësve po ndjekin mësimin nga distanca ndërsa pjesërisht me prani fizike. Profesori Avzi Mustafa alarmon se pasoja më të mëdha mund të kenë nxënësit që këtë vit kaluan në klasë të tretë e që nuk arritën të përfitojnë njohuritë e duhura të shkrim-leximit.

Kur filloi mësimi online, ata që u gjinden në klasë të dytë ku jepen bazat e shkrimit dhe leximit fillestar nuk u arrit rezultati, ato ngelën në nivel të tillë të cilët do të kenë edhe një shkrim shumë të keq, nuk do ti njohin shkronjat. Mandej, kur do të vijë edhe të fillojë mësimi i gjuhëve të huaja, mësimi i gjuhës maqedonase, do të kemi një disgrafi ndërmjet mësimit të gjuhës amtare dhe gjuhëve të tjera që i mësojnë nxënësit. Ne do të kemi nxënës të paditur, më shkrim të keq dhe analfabet funksional – deklaroi Avzi Mustafa, profesor.

Profesori Mustafa vlerëson se zgjidhja më e mirë do të ishte që mësimi të fillonte pas përfundimit të valës së vjeshtës së virusit, me prani fizike për të gjithë nxënësit.

Ne nuk e kemi atë kulturë që në shtëpi të punojmë me nxënësit, por ne ia lëmë të gjithë shkollës. Dhe, ky mësimi online ku zhvillohet nga ana e nxënësve askush nuk e di. Ata mund të jenë në treg, në autobusë, i hapin celularët, prej aty japin përgjigje, kur nuk e ka përgjigjen mundohet në njëfarë mënyre të thotë se nuk është në rregull interneti, nuk po ju dëgjoj, e mbyll, dhe kjo çon në dëm të gjeneratave – tha Avzi Mustafa, profesor.

Pavarësisht vërejtjeve të shumta, nga Ministria e Arsimit kanë bërë të ditur se mësimin nga distanca po e ndjekin rreth 87 % e nxënësve.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending