Connect with us

Business

Ndërtimet e reja duhet të lidhen me ngrohjen qendrore – ALSAT-M

Published

on


Në të ardhmen, leje ndërtimi duhet të merret vetëm nëse objekti është e lidhur me sistemin e ngrohjes qendrore. Ky është propozim-ndryshimi kryesor në Ligjin për Ndërtim që e përgatisin disa institucione. Fillimisht, ndryshimi i Ligjit do të vlejë vetëm për ndërtesat e reja ku ka rrjet ekzistues të ngrohjes. Por tendenca, sipas rregullatorit, është zgjerimi i rrjetit të energjisë termike. Komisioni Rregullator i Energjetikës beson se në këtë mënyrë sistemi energjetik nuk do të mbingarkohet, ndërsa faturat e qytetarëve për ngrohjen e shtëpive do të jenë më të ulëta krahasuar me ngrohjen elektrike.

“Në atë mënyrë, ne do t’u mundësojmë të gjitha kompanive të ndërtimit të veprojnë në të njëjtën bazë dhe të kenë të njëjtat rregulla loje. Sepse nëse dikush nuk lidhet me sistemin e ngrohjes, atëherë edhe çmimi që do ta dërgojnë vetë qytetarët është i ndryshëm”, deklaroi Marko Bislimovski kryetar i KRE-së.

Ndërtuesit thonë se propozimi i KRE-së është me vend. Ata theksojnë se këshilli i tyre gjatë blerjes së banesë nuk duhet parë vetëm në vendndodhje, por cilësia e ndërtimit duhet të jetë përparësia kryesore përpara marrjes së një vendimi përfundimtar. Informacionet nga terreni thonë se investitorët e 15 ndërtesave refuzojnë të bashkohen në sistemin e ngrohjes qendrore, edhe pse kanë mundësi. Arsyet sipas ndërtuesve janë financiare.

“Shpresojmë se arsyet janë të natyrës ekonomike, dhe pse lidhja është më e shtrenjtë në raste të caktuara në Ngrohtore sa i përket ngrohjes me energji elektrike. Por kemi raste kur nuk ka mundësi të tu lidhur”, u shpreh Andrea Serafimovski Kryetar i Shoqatës së Ndërtimit.

KRE-ja, ndërtimtarët dhe Ministria e Transportit dhe Lidhjeve do ta shqyrtojnë edhe mundësinë që Ligji për Ndërtim të sigurojë një lidhje në rrjetin e gazsjellësit që është ende në ndërtim e sipër. Në vijim është procedura për zgjedhjen e kompanisë që duhet të ndërtojë rrjetin e shpërndarjes së gazit. Tubat nga rrjeti nacional duhet të arrijnë së pari nëpër komuna dhe më pas nëpër familje.

Ile Petreski

Alsat

Click to comment

Leave a Reply

Your email address will not be published. Required fields are marked *

Business

S’ka marrëveshje mes organizatorëve të ahengjeve dhe Qeverisë

Published

on

Takimi midis organizatorëve të ngjarjeve dhe Zëvendës Kryeministrit Fatmir Bytyqi, përfundoi pa marrëveshje konkrete. Tani për tani, protestat do të pezullohen, derisa të shihet efekti i ndihmës që ata duhet ta marrin. Industria e ngjarjeve ka kërkuar ndihmë financiare të pakthyeshme në formën e granteve për të mbuluar humbjet që tejkalojnë 60 përqind, por Qeveria ofron ndihmë një milion euro, që do të mbulojnë të paktën 40 ngjarje me karakter publik.

Alsat

Continue Reading

Business

Gati çdo ditë mbyllet nga një dyqan, pandemia i jep goditjet e fundit zejtarive në Maqedoni

Published

on

Situata te zejtarët është jashtëzakonisht alarmante. Disa prej tyre tashmë kanë i kanë mbyllur punëtoritë. U nevojiten para të freskëta në mënyrë që biznesi i tyre të mos dështojë plotësisht. Edhe zejtarët për çdo ditë e presin ndihmën shtetërore, sepse pretendojnë se likuiditeti i tyre është i dobët dhe nuk dinë si t’i mbajnë punonjësit e tyre.

Në Odë tonë kanë filluar të mbërrijnë kërkesa për ndërprerje, sepse zejtarët fshihen përmes Odës dhe arrijnë pyetje në lidhje me se cilat janë kushtet për fshirje nga regjistrat e zejtarëve, sepse nuk mund t’i rezistojnë presionit dhe ngarkesës në pjesën e financave”, tha Aneta Atanasovska, drejtore ekzekutive e Odës së Zejtarisë.

Gjykojeni vetë se sa e rëndë është situata, në pesë ditët e fundit ju jeni i pari që hyni në dyqan, kështu u përpoq t’i shpjegojë telashet mjeshtri i kapelave Abdullah Mustafa. Përllogaritjet e tij tregojnë se puna e tij është zvogëluar deri në 90 për qind. Ai thotë se tani pret të pensionohet, dhe të marrë diku rreth 10 mijë denarë

Shpenzimet janë 1,200 euro paushall në vit, që duhet t’ia paguaj shtetit. I kërkova Odës së Zejtarëve në emër të kolegëve të mi që të na lirojnë nga këto shpenzime, kurrë nuk do të dilja në pension, këtu e them edhe tani, por mendoj se nuk do të ketë efekt”, tha Abdullah Mustafa, zejtar.

Përndryshe, 100 zejtarë nga Banka Zhvillimore kanë marrë kredi pa interes. Kusht për këtë ndihmë shtetërore ishte të dëshmojnë se kanë rënie reale të të ardhurave prej 20 për qind.

Shuma minimale e kredisë që mund t’i aprovohet një kredikërkuesi nga kjo linjë kreditore nuk mund të jetë më e vogël se 184,500 denarë. Për tregtar të vetëm dhe zejtar, shuma maksimale nuk mund të jetë më e madhe se 307,500 denarë”, thonë nga Banka Zhvillimore e Maqedonisë.

Në Odën e Zejtarisë në Shkup së ka rreth 2000 zejtarë, në nivelin e të gjithë vendit numri i zejtarëve është afër 4000. Përveç problemit financiar, brengë e vjetër e zejtarëve është edhe stafi i punës i cili gjithnjë e më vështirë është për t’u gjetur.

 

Ile Petreski

Alsat

Continue Reading

Business

Struga dhe Ohri me zbritje për turistët nga Serbia

Published

on

Hotelet në Ohër dhe Strugë nga maji deri në tetor do të ofrojnë prenotime më të lira për turistët serbë deri në 20%, në varësi të periudhës së qëndrimit. Qëllimi është që në vend se të shkojnë në bregdetin grek, t’i kalojnë pushimet verore në liqenin e Ohrit ose ata që do t’i kalojnë pushimet  në Greqi, gjatë kthimit të qëndrojnë të paktën disa ditë në vendin tonë.

Për një person në ditë, mund të kenë gjysmë- pansion prej vetëm 25 eurove, me mëngjes dhe darkë në hotel me 4 yje. Disa hotele të kategorisë më të lartë, mund të jenë më shtrenjtë për 2-3 euro…”, tha Kërste Bllazheski, kryetar i HOTAM.

Idenë e zbritjes së çmimeve deri më tani e kanë pranuar rreth 90% të hoteleve.

Bëhet fjalë për pako të veçanta që do t’u jepen agjencive vendore dhe atyre nga Serbia. Presim të ketë qarkullim të mirë nga këta mysafirë”, pohoi Kërste Bllazheski, kryetar i HOTAM.

Gastronomët thonë se me këtë nismë duan të mbështetin qëndrimin e Qeverisë për taksa falas për qytetarët serbë si shenjë mirënjohje për vaksinimin falas. Për të njëjtin qëllim, Agjencia Shtetërore për mbështetjen dhe promovimin e turizmit ka propozime shtesë për Qeverinë në lidhje me Serbinë.

Agjencia shtetërore për mbështetjen dhe promovimin e turizmit:

  • bileta falas për të gjithë muzetë
  • parkim falas në të gjitha qytetet
  • zbritje në të gjitha objektet gastronomike
  • zbritje në objektet e akomodimit
  • transferim i shpejtë në pikat kufitare

Shoqata e Hotelierëve mendon të ofrojë pako të ngjashme për mysafirë nga vendet e tjera fqinje, Shqipëria, Kosova, Mali i Zi dhe Bullgaria. Presin më shumë prej tyre këtë verë, së bashku me mysafirët vendas, sepse shumica e prenotimeve me mysafirët nga Evropa Perëndimore janë anuluar përsëri ose janë në pritje.

Miki Trajkovski

Alsat

Continue Reading

Trending