Connect with us

Showbiz

Modelja Linda Evangelista thotë se i beson gratë që akuzojnë ish-partnerin se i ka përdhunuar kur drejtonte agjencinë e modelingut ‘Elite’

Published

on

Supermodelja Linda Evangelista ka vlerësuar ‘guximin dhe forcën’ e treguar nga disa gra që akuzojnë ish-burrin e saj, shefin e agjencisë Gerald Marie de Castellac, për ngacmim seksual dhe përdhunim.

Duke folur ekskluzivisht për revistën ‘Guardian’s Weekend’, Evangelista tha se ajo besonte në rrëfimet e grave për përvojat e tyre me Marie, i cili për më shumë se tre dekada ishte ndër figurat më të fuqishme në industrinë e modës.

“Gjatë marrëdhënies time me Gerald Marie, nuk dija asgjë nga këto akuza seksuale kundër tij, kështu që nuk isha në gjendje t’i ndihmoja këto gra”, tha ajo, e cila ishte e martuar me Marie midis 1987 dhe 1993.

Linda Evangelista (Foto: Associated/Rex/Shutterstock)

“Duke i dëgjuar tani dhe bazuar në përvojat e mia, besoj se ata po thonë të vërtetën. Më thyen zemrën sepse këto janë plagë që mund të mos shërohen kurrë dhe unë e admiroj guximin dhe forcën e tyre për të folur sot”.

Linda është një nga modelet më të famshme dhe me ndikim të të gjitha kohërave. Ndërhyrja e saj u nxit nga katër modele të tjera që akuzuan ish-burrin e saj për përdhunim ose sjellje të keqe seksuale në revistën ‘Weekend’. Ato janë vetëm disa gra që akuzojnë publikisht Gerald për abuzim seksual.

Muajin e kaluar, prokurorët në Francë hapën një hetim ndaj Marie mbi akuzat përfshirë përdhunimin nga katër gra. Aty përfshihet Carre Otis, një modele e famshme në vitet e ’90, e cila ishte vetëm 17 vjeçare kur tha se ai e përdhunoi.

Gerald Marie (Foto: Foc Kan/WireImage)

Evangelista kishte filluar takimet me Marie në atë kohë dhe nuk ishte atje kur ndodhi abuzimi i pretenduar.

Të tjerët që kanë bërë ankesa penale në Francë përfshijnë Jill Dodd, që pretendon se Marie e përdhunoi atë në 1980, Ebba Karlsson, e cila thotë se Marie e përdhunoi atë në vitin 1990 dhe ish-gazetarja Lisa në 1998.

Ish-modelet Wendy Walsh, Ann Maguire dhe EJ Moran janë ndër akuzueset e reja që flasin për herë të parë rreth kësaj çështje. /Telegrafi/

Linda Evangelista (Foto: ET Canada)

Showbiz

Ylli i “Gilligan’s Island”, Dawn Wells ndërron jetë në moshën 82 vjeçare

Published

on

Dawn Wells, e cila luajti Mary Ann Summer, ka ndërruar jetë në moshën 82 vjeçare.

Ajo ka vdekur të mërkurën në mëngjes në Los Angeles nga COVID-19, sipas publicistit të saj.

Aktorja ka qenë e pranishme në “Gilligan’s Island” për tre sezone me radhë, nga 1964 deri në 1967.

Foto: NBC

Për rolin e Mary Ann, ajo mundi 350 aktore të tjera, përfshirë këtu Raquel Welch.

Wells ka qenë pjesë edhe e shumë filmave të tjerë si: “Silent But Deadly”, “Return to Boggy Creek”, “The Harlem Globetrotter”, “Super Sucker”, “American Christmas” etj.

Ylli amerikan po ashtu ka qenë e martuar me Larry Rosen nga 1962 deri në 1967. /Telegrafi/

Foto: Getty Images

Continue Reading

Showbiz

Nora Istrefi me biznes të ri

Published

on

Këngëtarja e njohur shqiptare, Nora Istrefi, ka korrur ndër vite suksese të mëdha në profesionin e saj.

Ajo përmes rrjeteve sociale ka bërë të ditur se ka hapur një biznes të ri, që është krejtësisht i ndryshëm nga ajo që ka bërë.

Krijuesja e hitit “Anna” ka njoftuar fansat për një studio të re për fotografi, duke qenë se ishte dëshirë e kamotshme.

Nora Istrefi (Foto: Instagram)

Ky është postimi i plotë i artistes Nora Istrefi (pa ndërhyrje):

“Duke mare per baze qe kam perfunduar fakultetin e dizajnit te modes ,gjithemone me mu ka flejt deshira per te bere edhe dicka ma shume se muzika !

Po e nisi kete vit te ri me nje bisnes te vogel qe lidhet ngushte me fushat e mia te jetes ,perkatesisht me fotografine!

Nisur nga vetja dhe Renee, e di qe cdo nene do deshironte nje set fotografik gjate shtatzanise, te foshjnes se posalindur, me foshjen por edhe me komplet familjen !

Jam munduar dhe po mundohem te krijoj skena te bukura me ekipen time, momente te paharushme per me te dashurit tone.. Shpresoj do ju pelqej dhe do gjeni imagjinaten tuaj ne setet tona dhe projektet ne vazhdimësi”. /Telegrafi/

Continue Reading

Showbiz

Vëllai i Dua Lipës feston ditëlindjen e 15-të, këngëtarja i bën një dedikim të veçantë

Published

on

Ditën e sotme (e mërkurë) feston ditëlindjen e 15-të vëllai i këngëtares Dua Lipa, Gjin Lipa.

Artistja shqiptare me këtë rast i ka bërë një dedikim të veçantë, ku ndërkohë ka zgjedhur edhe disa imazhe të tyre të përbashkëta të realizuara ndër vitesh.

25 vjeçarja në fotografitë që zgjodhi përfshihet edhe motra e Duas, Rina Lipa, e cila vite më parë ka bërë debutimin si fashioniste.

Foto: Instagram

“Urime ditëlindjen për vëllain tim të dashur, Gjin Lipa. 15! Ju jeni më qesharaku, më i miri, më i sjellëshmi e më i kujdesshmi dhe jam shumë krenare për ty. Të dua dhe jam shumë me fat të jem motra jote”, ka thënë ajo.

Urimet për të vëllain e Lipës nuk munguan as nga fansat që numëron në rrjete sociale, duke marrë parasysh që vetëm në Instagram ka mbi 57 milionë.

Dua ndërkaq këtë vit ka qenë mjaft aktive me projekte muzikore, madje në mes të pandemisë solli albumin e dytë “Future Nostalgia”.

Albumi u prit shumë mirë dhe thuajse të gjitha këngët janë shndërruar në hite e me miliona klikime në YouTube. /Telegrafi/

Continue Reading

Trending