Connect with us

Sport

Messi lë prapa dramën te Barcelona për ta ndihmuar Argjentinën

Published

on

Superylli i futbollit, Lionel Messi, do të pushojë nga telenovela e tij në Barcelonë, ndërsa ai bën përpjekje për ta kualifikuar Përfaqësuesen e Argjentinës në Kampionatin Botëror “Katari 2022”, turne që mund të jetë edhe rasti i tij i fundit për të provuar ta fitojë trofeun e lakmuar. 33-vjeçari, që është edhe rekordmen me gjashtë “Topa të Artë”, ka fituar gjithçka në nivel klubesh me Barcelonën, por kapiteni i tij ndërkombëtar i trofeve është i zbrazët. Kështu që, Messi i është bashkuar Argjentinës me synimin e qartë në kokën e tij.

“Qëllimi i vetëm që kam tani është të fitoj Kupën e Botës me ekipin kombëtar”, ka thënë Messi.

Në Botërorin e vitit 2014 të mbajtur në Brazil, Messi ishte afër titullit të botës, por Argjentina pësoi humbje në finale nga Përfaqësuesja e Gjermanisë. Ndeshja e së enjtes kundër Ekuadorit i jep atij mundësinë për të filluar realizimin e synimit. Messi do të jetë 35 vjeç kur të përfundojë Botërori në Katar dhe do të mbushë 39 vjeç gjatë shfaqjes globale në Amerikën e Jugut, shkruan AFP.

“Duhet të japim gjithçka nga vetja për t’i fituar këto ndeshje kualifikuese që janë shumë të rëndësishme”, ka shtuar Messi, që është edhe kapiten tek Argjentina.

Në ndërkohë, ai ka dy ndeshje në kuadër të këtyre kualifikimeve – Argjentina gjithashtu luan me Bolivinë në udhëtim të martën e ardhshme – për ta tërhequr vëmendjen nga skuadra e tij aktuale, Barcelona. Messi u përpoq të detyronte largimin e tij nga gjigandi spanjoll para fillimit të këtij edicioni, por Barcelona mbajti vendosmëri dhe një klauzolë lirimi prej 700 milionë eurosh siguroi që ai të qëndronte, megjithëse i pakënaqur./Koha.net

Alsat