Connect with us

Maqedoni

Mbi 1000 persona të infektuar me Covid-19 nuk kanë vendime për izolim

Published

on


Mbi 3,500 raste aktive të pacientëve me Covid-19 janë të regjistruar vetëm në Shkup, por vendime për izolimin e këtyre pacientëve sipas MPB-së kanë vetëm mbi 2 mijë. Kjo nënkupton se numri i të infektuarve që mund të dalin lirshëm nëpër qytet është shumë i lartë për shkak se Inspektorati shtetëror shëndetësor sanitar nuk arrin të procedoj të gjitha vendimet me kohë. Autoritetet thonë se nuk ka kuadër të mjaftueshëm në Inspektorat, ndërkohë Alsat mëson se vet drejtoresha e këtij inspektorati, Irinka Buhova ka marr pushimin vjetor dhe aktualisht gjendet jashtë shtetit.

Janë në proces të marrjes së vendimeve sepse në ISHSHS ka aq kuadro, sistemi ynë nuk është i dimensionuar për një pandemi të çfarëdo sëmundjeje. Ne kemi aq epidemiolog dhe infektolog që nuk mund të bëjmë të ri brenda natës. ISHSHS përgatitë vendimet dhe ato i dorëzon sistematikisht, atje ka 5-6 njerëz dhe ata punojnë ditë dhe natë, tani u ndihmojnë edhe studentët, gjatë ditës së sotme dhe të nesërme do të përgatiten të gjitha vendimet për izolim – tha Zharko Karaxhovski, Drejtor i KSI.

Karaxhovski ishte i prerë edhe për shtrimin e gjobave për qytetarët që nuk i respektojnë masat aktuale restriktive. Ai thotë se ora policore është hapi i radhës në rast se nuk arrijnë të frenojnë ritmin e infektimeve nga virusi korona. Ndërkaq, Ministri Filipçe tha se vendosja e karranitës varet nga sjellja e qytetarëve. Autoritetet shëndetësore druajnë nga stërmbushja e kapaciteteve spitalore në ndërkohë që rastet e rënda mbeten jashtë klinikave. Filipçe tha se kapacitete do të shtohen në repartet ekzistuese, ndërkaq 60 internistë nga klinikat private do të aktivizohen në kovid qendrat.

Kapacitetet plotësuese po përgatitet në repartet spitalore, qëllimi i hapësirave modulare ishte që të infektuarit të jenë larg pacientëve të tjerë, por u vonuan me miratimin e ligjit. Kur u miratua ligji, ngecëm në dokumentet për marrjen e fondeve të Bankës Botërore, por shpresoj që deri në fund të vitit të bëjmë gati, të paktën një pjesë të atyre 16 spitaleve modulare që janë paralajmëruar për 16 qytete –  tha Venko Filipçe, Ministër i Shëndetësisë.

Komisioni për Sëmundje Infektive vendosi të rritë numrin e testimeve ditore në Shkup për rreth 350.
Sipas statistikave rreth 80% e pacientëve janë asimptomatik, 12% të tjerë me simptoma të lehta dhe pjesa e mbetur me pasqyrë të rënduar klinike. Shifrat e fundit tregojnë se komunat si Aerodromi, Karposhi dhe Qendra mbeten vatër e virusit korona në vend.

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending