Connect with us

Bota

Luftimet Armeni-Azerbejxhan, Bashkimi Evropian kërkon armëpushim urgjent

Published

on


Shefi i diplomacisë evropiane Josep Borrell u ka bërë sot thirrje Armenisë dhe Azerbajxhanit t’i japin fund konfliktit ushtarak dhe t’i kthehen tavolinës së bisedimeve si zgjidhja e vetme e mundshme.

Borrell ka diskutuar sot me ministrat e këtyre dy vendeve, në të cilin ka theksuar rëndësinë e armëpushimit të menjëhershëm.

“Nuk ka zgjidhje ushtarake për konfliktin, Rruga e vetme për të ecur përpara është që të kthehen në tavolinën e negociatave pa parakushte nën udhëheqjen e Grupit të Minskut OSBE”, ka shkruar ai në Twitter.

Luftimet Armeni-Azerbajxhan kanë shpërthyer rreth rajonit separatist të Nagorno-Karabakut. Luftime të ashpra shpërthyen në mëngjes në rajonin që ndodhet brenda Azerbajxhanit, por ka qenë nën kontrollin e forcave etnike armene të mbështetura nga Armenia që nga viti 1994 në fund të një lufte separatiste.

Nuk ishte menjëherë e qartë se çfarë i shkaktoi luftimet, më të rëndat që nga përleshjet në korrik, duke lënë 16 të vrarë dhe dhjetëra të plagosur.

Kryeministri i Shqipërisë Edi Rama, kryetari i Organizatës për Sigurinë dhe Bashkëpunimin në Evropë, u bëri thirrje palëve të ndalojnë luftimet.

Negociatat e pasuksesshme prej kohësh për zgjidhjen e statusit të territorit janë kryer nën kujdesin e OSBE-së.

Click to comment

Leave a Reply

Your email address will not be published. Required fields are marked *

Bota

Kufizime të reja kufitare parashikohen në samitin e BE-së përballë COVID-19 – Alsat

Published

on

Kufizimi i lëvizjeve transkufitare, përshpejtimi i vaksinës, krijimi i një certifikate të përbashkët, 27 vendet e Bashkimit Europian do të mblidhen sot në një samit për të koordinuar luftën kundër pandemisë, përballë kërcënimit për variante të reja.

Ky takim i nëntë virtual i krerëve të shteteve dhe qeverive të Bashkimit Europian mbi krizën shëndetësore do të zhvillohet duke nisur nga ora 18:00 (17H00 GMT).

Dhe ky samit në një kohë kur disa vende, të tilla si Gjermania, po ashpërsojnë masat e tyre për të luftuar përhapjen e varianteve të koronavirusit (britanik, afrikano jugor), të cilat janë më ngjitëse.

Qeveria holandeze planifikon vendosjen e një shtetrrethimi duke nisur nga ora 20:30. Në Francë shtetrrethimi fillon në orën 18:00 që prej të shtunës.

Nga ana kufitare, europianët do të diskutojnë kufizime shtesë dhe do të përpiqen të harmonizojnë përgjigjen për të ruajtur funksionimin e tregut të brendshëm, transportin e mallrave dhe jetën e përditshme të punëtorëve ndërkufitarë.

Kryeministri belg, Alexander De Croo po propozon një ndalim të përkohshëm të “udhëtimeve jo thelbësore”, nga frika se kontaminimet do të rriten kur të kthehen nga pushimet e shkurtit.

“Kjo nuk do të thotë që ne të mbyllim kufijtë”, theksoi ai në kanalin televiziv La Une (RTBF) dje në mbrëmje.

Qeveria gjermane kërkon një koordinimin për “testet e detyrueshme” për udhëtarët ndërkufitarë. Parisi u shpreh se ishte në favor të “kontrolleve shëndetësore” në kufijtë brenda-europianë.

Një ditë para samitit, ambasadorët e 27 shteteve arritën në një marrëveshje për një njohje të përbashkët të rezultateve të testeve, si atë antigjenik të shpejtë dhe PCR.

Për të zbuluar mutacionet e koronavirusit, Komisioni Europian u kërkon vendeve anëtare të rrisin renditjen, duke e konsideruar nivelin aktual të pamjaftueshëm. Ai gjithashtu u bëri thirrje atyre të shpejtojnë vaksinimin, duke mbrojtur 70% të popullsisë në moshë të rritur deri në fund të verës, dhe 80% të punonjësve shëndetësorë dhe atyre mbi 80 vjeç deri në mars.

Njëzet e shtatë vendet e BE-së duhet të votojnë për këto qëllime ambicioze, në një kohë kur vonesat  për shpërndarjen e vaksinës nga Pfizer-BioNTech, një nga dy të autorizuarit në BE kanë çuar një vend si Danimarka të rishikojë në rënie prej 10% të ambicieve të saj për tremujorin e parë.


Continue Reading

Bota

Lagarde: Vaksinimi kundër COVID-19 etapë e rëndësishme, por ende të rrezikuar – Alsat

Published

on

Fushata e vaksinimit është një etapë e rëndësishme për të mundur pandeminë e COVID-19, deklaroi presidentja e BQE-së, Christine Lagarde.

“COVID-19 vazhdon të përbëjë rrezik serioz për ekonominë dhe një kontraktim i PBB-së pritet në tremujorin e katërt”, theksoi ajo duke shtuar se rajoni po drejtohet drejt një recesioni të dyfishtë.

“Pasiguritë mbeten të larta dhe ekonomistët presin gjithnjë e më shumë që prodhimi të ulet sërish këtë tremujor për shkak të rritjes së kufizimeve, të vendosura nga qveritë për të luftuar kundër rrtijes së infektimeve me COVID-19”, nënvizoi presidentja e BQE-së, Christine Lagarde gjatë konferencës që u zhvillua pas këshillit administrativ.


Continue Reading

Bota

Hungaria, e para në BE që miraton vaksinën ruse – Alsat

Published

on

Hungaria është bërë vendi i parë në Bashkimin Evropian që i ka dhënë miratimin paraprak vaksinës ruse kundër koronavirusit Sputnik V.

Të enjten, shefi i stafit të kryeministrit Viktor Orban konfirmoi se autoritetet shëndetësore i kanë dhënë dritën jeshile edhe vaksinës ruse, edhe vaksinës së zhvilluar nga kompania britanike AstraZeneca dhe Universiteti i Oksfordit.

Ministri i Jashtëm i Hungarisë, Peter Szijjarto, do të udhëtojë në Moskë për të diskutuar rreth dërgesave dhe shpërndarjes.

Rezultatet e hershme të testimeve të vaksinës Sputnik V kanë treguar se efikasiteti i saj është mbi 90 për qind.

Zyrtarët shëndetësorë hungarezë ndodhen po ashtu në Pekin, për bisedime me autoritetet atje rreth miratimit dhe shpërndarjes së rreth një milion dozave të vaksinës kineze kundër koronavirusit Sinopharm.

Sinopharm tashmë po përdoret në Serbinë fqinje.

Sinopharm, kompani shtetërore kineze, ka thënë muajin e kaluar se vaksina e saj është 79% efektive – më pak se ato të kompanive amerikane Pfizer dhe Moderna.

Por, kryeministri i Hungarisë ka thënë se mënyra e vetme që vendi t’i përmbushë kërkesat për vaksinim – marrë parasysh shpërndarjen e ngadalshme “zhgënjyese” të vaksinës Pfizer – është duke blerë vaksina nga Rusia dhe Kina.

Imunizimi kundër koronavirusit në Bashkimin Evropian ka nisur në fund të dhjetorit me vaksinën që kompania amerikane Pfizer ka krijuar në bashkëpunim me kompaninë gjermane BioNTech.

Procesi, megjithatë, është kritikuar për ritëm të ngadalshëm.

Në fillim të janarit, BE-ja ka miratuar edhe përdorimin e vaksinës Moderna, ndërsa AstraZeneca ka aplikuar tashmë për autorizim.

Agjencia Evropiane e Barnave ka thënë se opinionin për vaksinën AstraZeneca mund ta lëshojë deri më 29 janar.


Continue Reading

Trending