Connect with us

Maqedoni

Jahiu: Balancuesi të rishikohet urgjentisht

Published

on


Manipulimet e softuerit të balancuesit nga të vetë deklaruarit shqiptarë, nuk ishin paraparë prej themeluesve të kësaj metodologjie që funksionon prej 4 vitesh.  Ideatori i saj, Jahi Jahiu, si ish-sekretari i Ministrisë së Administratës kërkon urgjentisht të rishikohet funksionaliteti i balancuesit, për të bërë ndryshimet e duhura.

 

 “Qëllimi i metodologjisë së balancuesit ka qenë i mirë në kuptimin e rritjes së përfaqësimit të adekuat, për herë të parë me rregulla – jo me princip. Asnjëherë nuk e kemi marr parasysh faktin se mund të paraqitet dikush i bashkësisë tjetër etnike. Ajo që dua të them për zgjidhjen, nuk ka ligj të përsosur që do të mbyllte këto vrima të keqpërdorimeve në rast se nuk ka vullnet. Po nuk pat vullnet nga palët çfarëdo ligji të sillet nuk do jetë i përsosur që do ta zgjidhte këtë problem- deklaroi Jahi Jahiu, Ish-sekretari i Ministrisë së Administratës.

 

Për të bërë ndryshime në metodologjinë e balancuesit duhet të ketë mbështetjen e tri ministrive. Ministria për Sistem Politik, Ministria e Financave dhe Ministria e Shoqërisë Informatike-Administratës që drejtohen nga kuadro të BDI.

Edhe ndryshimet në Ligjin për nëpunës shtetëror do të vonojnë me muaj, ndërkohë që punësimet me diskriminime etnike nuk kanë të ndalur. Kjo është dhe njëra nga arsyet pse të rinjtë e shkolluar po emigrojnë jashtë shteti, thonë nga shoqatat joqeveritare.

 

 “Sipas Bankës Botërore në dekadën e fundit rreth gjysmë milioni shtetas kanë mërguar, shumica të rinj. Të dhënat tregojnë se 29% e të rinjve me shkollim të lartë nga Maqedonia jetojnë dhe punojnë jashtë vendit. Ajo që është më shqetësuese sipas analizave tona se përqindje e ulët e të rinjve duan të qëndrojnë në shtetin tonë, numri konkret 8% në 1200 banorë e anketuar. Studimi tjetër tregon se 2/3 e të rinjve duan të largohen nga vendi- pohoi Marjan Micovski, Shoqata “Rrjeti për parandalimin e ikjes së trurit”.

Sipas të dhënave të tyre, ikja e trurit jashtë shtetit po ndodh për disa arsye: 74% të gjejnë punë, 36% nga gjendja e politike dhe e mbetura për një jetë më të mirë. Kjo Shoqatë tregoi se shtetit i kushton afër 24 mijë euro për të shkolluar një të ri, i cili ikën pastaj jashtë vendit pa e kthyer kokën pas.

 

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending