Connect with us

Maqedoni

Hapja e kufirit me Kosovën, fluks i madh në pikën kufitare në Bllacë

Published

on


Vendimi i qeverisë që qytetarët të mund të lëvizin pa PCR test ka bërë që në pikat kufitare në vend të ketë radhë të gjata. Në pikën kufitare këtu në Bllacë radha për dalje nga RMV është me qindra metra. Nuk është e vogël edhe radha për të hyrë në vendin tonë.

Qytetarët e vendit të cilët shkojnë për në Kosovë thonë se kanë pritur me padurim hapjen e kufijve, pasi me muaj të tërë nuk i kanë parë familjarët matanë kufirit. Shtojnë se do të kujdesen për sigurinë nga virusi dhe do të respektojnë rekomandimet.

“Po kemi, nipat i kam atje dajallarët e kam atje në Kosovë”.

“Familjarë kemi, por unë dalë më shumë për qejf. Mirë është që i kanë çelë, kanë njerëzit nevoja, dikush familje atje. Besoj se do të bëhet mirë.
Shpresojmë të mbesë çelë. Nëse ruhemi ne do të kemi siguri, nëse nuk ruhemi ne nuk kemi siguri, ne vetë duhet të jemi mjek”.

“Besoj që është një vendim i duhur dhe shpresoj që njerëzit t’i respektojnë masat në mënyrë që mos na mbyllen kufijtë, të shkojmë më shpesh”.

Edhe qytetarët që hyjnë në vendin tonë thonë se në radhë të parë do të vizitojnë familjarët në Shkup, Kumanovë e vende të tjera. Sipas tyre, hapje e kufijve do të zhbllokojë bizneset që po shuhen nga pandemia.

“Ishallah nuk ndodh më të mbyllen se ashtu kështu numri as është duke u rritur e as duke u zvogëluar nëse është mbyllur ose hapur. Ato masa që i rekomandojnë institucionet shëndetësore duhet tu përmbahemi. Nëse u përmbahemi do të jetë gjithçka në rregull”.

“Shumë mirë. Ne vet duhet të kemi kujdes”.

“Ne nuk kemi lëvizur 6 – 7 muaj në Maqedoni, e normal që ka qenë e vështirë, nuk kemi komunikuar, nuk kemi punuar, se ne dalim punojmë edhe këndej prej Kosove. Gjatë periudhës së pandemisë ne nuk kemi punuar asnjë ditë në Maqedoni”.

“Kjo pjesa jemi shumë të përzier, me martesa, familje kemi, normal që mërzia është e madhe por ç’të bësh”.

Autoritetet e pikës kufitare në Bllacë thonë se fluksi i qytetarëve për të kaluar kufirin ka filluar që nga mesnata. Ndërsa dyndja më e madhe është regjistruar nga ora 9 deri në ora 11.

“Prej mesnate është startuar me vendimin e Qeverisë dhe është lejuar lëvizja e lirë pa PCR test për qytetarët e lartë përmendur. // Prej këtyre qytetarëve mendoj se fluksi më i madh është tek qytetarët e Republikës së Maqedonisë së Veriut që vizitojnë Republikën e Kosovës, ndërsa kemi një numër po ashtu edhe të Republikës së Kosovës që e vizitojnë shtetin tonë”, deklaroi Besim Asani, pika kufitare Bllacë.

Përfaqësuesit e pikës kufitare në Bllacë apelojnë tek qytetarët që dalin ose hyjnë në vendin tonë, që të respektojnë tërësish masat për mbrojtje nga korona virusi.

Mefail Ismaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending