Hailey Bieber i kushton tatuazh Justin-it për dy vjetorin e martesës

Hailey Bieber së bashku me bashkëshortin saj, Justin, para disa ditësh festuan dy vjetorin e martesë së tyre.

Për nderë të kësaj datë, bukuroshja bionde ka vendosur që ta surprizojë Justin, përmes një veprimi të ëmbël, shkruan Daily Mail.

Në një postim në rrjetin social Instagram, ajo ka ndarë një imazh në të cilin shihet një tatuazh me shkronjën ‘J’.

Ajo çka e bën edhe më të veçantë këtë shkrim është se vendndodhja është pikërisht në unazën e saj të martesës.

Çifti fillimisht ishin takuar në vitin 2009, atëherë kur Hailey ishte fanse e këngëtarit, pa filluar mirë karrierën si modele.

Kohëve të fundit dyshja janë parë shumë shpesh në darka romantike, teksa tërhiqnin vëmendje të madhe të fansave. /Telegrafi/