Connect with us

Maqedoni

Gjykimi “online” i pamundur pa ndryshime ligjore

Published

on


Ministri i Drejtësisë pohon se gjyqësori mund të funksionojë online, por një pjesë e ekspertëve thonë se për momentin kjo është e pamundur. Kryetari i Gjykatës Civile, Ilir Sulejmani për Alsat thekson se procedura aspak nuk është e thjeshtë. Duhet ndryshim të Ligjeve, në këtë rast ndryshim i Ligjit për Procedurë Civile, Rregullores Gjyqësore, Ligjit për Menaxhimin e Çështjeve. Megjithëse ekzistonte vullneti tek gjyqtarët dhe administrata, pa ndryshime ligjore, gjykimi përmes internetit për momentin është i vështirë.

Për momentin, nuk është nëse gjykatësit, gjykata duan apo nuk duan gjykim përmes internetit. Fundja, në rrethana të tilla shoqërore me situatën e Covid 19, askush nuk dëshiron ta vërë veten në rrezik me praninë fizike, as palët e as gjykatësit, por për të arritur në atë situatë duhet të ndryshojmë shumë zgjidhje ligjore – tha Ilir Sulejmani, Kryetar i Gjykatës Civile.

Përveç ndryshimit kryesor në ligjet procedurale, problem paraqesin edhe pajisjet teknike të gjykatave. Do të duhet të shpenzohen para për kompjuterë si dhe teknologji për gjykim online. Sulejmanin e kanë informuar nga sektori i IT se Gjykata Civile nuk ka kapacitet të tillë. Nuk kanë kornizë financiare se sa do të kushtonte organizimi i gjykimeve përmes internetit për 55 gjykatës, të cilët çdo vit mesatarisht gjykojnë nga 220 raste.

Në Gjykatën Civile, ju e dini që kemi pesë reparte. Këtu kemi edhe raste falimentimi dhe tani nuk e di se si do të funksiononte një Kuvend i Kreditorëve ku paraqiten pesëdhjetë persona dhe si ligjvënësi i ka paraparë ato momente. Kjo është e rregulluar me Ligjin e Falimentimit, i cili është ligj procedural dhe material – deklaroi Ilir Sulejmani, Kryetar i Gjykatës Civile.

Ministri i Drejtësisë Mariçiç tha dje se gjyqësori mund të funksionojë përmes internetit. Nga ky dikaster nuk shpjegojnë nëse ekziston marrëveshje politike për të ndryshuar ligjet procedurale për procedurë civile dhe penale, të cilat kërkojnë një shumicë prej dy të tretave. Informacioni është se Ministri i Drejtësisë do të ketë takime me të gjithë përfaqësuesit e gjyqësorit në lidhje me njoftimin e gjykimit përmes internetit.

Bojan Stojanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending