Connect with us

Maqedoni

Anulohet “Target-Fortesa”, Mijallkov me simptoma të Covid-19

Published

on


Sasho Mijallkov ka simptoma të koronavirusit. Për shkak të kësaj, seanca e sotme për  përgjimin e paligjshëm disavjeçar, “Target- Fortesa” është anuluar. Avokatët e tij dorëzuan dokumentacion mjekësor pas kryerjes së testeve. Gjithashtu, mbrojtja theksoi se gruaja e Mijallkovit, balerina Aleksandra, është pozitive me virusin korona.

“E informova Gjykatën se në orën e vona, i akuzuari Sasho Mijallkov më njoftoi se kishte temperaturë të lartë dhe kollë të thatë kurse njëkohësisht, gruaja e tij më parë është testuar për Covid 19 dhe se testi ka qenë pozitiv. Prandaj, unë pranë Gjykatës e dorëzova dokumentacionin mjekësor dhe raportin mbi gjendjen e saj dhe gjendjen e të akuzuarit”-tha Lupço Shvërgovski,  avokat i Sasho Mijallkovit.

Gjykata njoftoi se data për seancën tjetër të premten mbetet. Avokatët e Mijallkovit duhet ta informojnë gjykatën nesër për rezultatin e testimit të tij- qoftë pozitiv apo negativ. Gjykata Penale njoftoi se që nga e premtja, personat e dëmtuar do të merren në pyetje, të cilët kërkuan nga ish PSP të kontrollohet nëse kanë qenë të përgjuar në mënyrë të paligjshme kurse kanë marrë njoftim pozitiv. Bëhet fjalë për mbi 80 persona. Në këtë rast, tashmë dëshmuan gazetarë dhe biznesmenë të cilët janë përgjuar nga policia sekrete vite me radhë derisa Mijallkov ishte drejtor i DSK-së. Përveç tij, në këtë rast akuzohet edhe ish ministrja e brendshme Gordana Jankulloska dhe disa zyrtarë tjerë të DSK-së. Sipas prokurorisë, përmes tre sistemeve të ndjekjes në policinë sekrete, mbi 4 mijë numra telefoni janë ndjekur në mënyrë të paligjshme pa urdhër gjyqësor kurse në mënyrë të paligjshme janë ndjekur bisedat telefonike të 20 mijë qytetarëve.

 

Bojan Stojanovski

 

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending