Connect with us

Maqedoni

Masat e reja kundër Covid-19 në fazë konsultimi, priten ndryshimet ligjore

Published

on


Ministria e Shëndetësisë akoma nuk ka nisur hartimin e draftit për përfshirjen e masave anti-Kovid në Ligjin për mbrojtjen e popullsisë nga sëmundjet ngjitëse. Në këtë situatë nuk është përfshirë as Sekretariati Ligjvënës në kuadër të Qeverisë, trup profesional ky i cili shqyrton versionin përfundimtar të amendamenteve të Qeverisë për ligjin kundër sëmundjeve ngjitëse.

Ky ligj, në kuadër të dispozitave nuk njeh llojin e virusit Sars-Cov-2 apo Korona virusin. Ndryshimet do të bazohen në nenin 55 të Ligjit për mbrojtjen e popullsisë nga sëmundjet ngjitëse.

Neni 55:

“Në rast të paraqitjes së ndonjë sëmundje ngjitëse që nuk është e paraparë me këtë ligj, por që paraqet rrezik për të gjithë popullatën, Qeveria e Republikës së Maqedonisë, me propozim të ministrisë mund të vendos për paraqitje dhe vendosje të masave të plotë ose të pjesshme të parapara me këtë ligj”

Masat si: “Bartja e obligueshme e maskave në hapësira publike dhe të mbyllura; Ndalohet grumbullimi i më tepër se 4 personave në hapësira publike pas orës 22:00 dhe Ndalohet gostia e më tepër se 4 personave nga adresa tjera banimi nëpër ahengje familjare”, duhet përfshirë në kuadër të nenit 58 i cili kategorizon masat për parandalimin e përhapjes së virusit ose pandemisë së shpallur paraprakisht.

Kjo dispozitë ligjore urdhëron zbatimin e masave kufizuese si udhëtimi me kushte jashtë vendit ose ndalesa për udhëtim, ndalesa e vizitës në vendet ose rajonet ku pandemia ose epidemia është shpallur zyrtarisht, vendosja e regjimit të posaçëm për lëvizje dhe kufizimi i lëvizjes së qytetarëve, ndalimi i grumbullimeve dhe të tjera.

Qeveria nuk ka caktuar masën e gjobave të parapara për mos respektimin e mbartjes së maskës, kufizimit të lëvizjes dhe masës për gosti të kufizuar. Shuma e paraparë që duhet caktohet nga Sekretariati Ligjvënës në bashkëpunim me Këshillin e Inspektorëve, Ministrinë e Shëndetësisë, policinë dhe Qeverinë duhet përfshirë në nenin 66 të Ligjit për mbrojtje të popullsisë nga sëmundjet ngjitëse. Dispozitat kundërvajtëse të këtij ligji parashikojnë gjoba nga 5.000 deri në 50.000 euro për subjektet, ndërsa 300-650 euro për personat fizik. Gjobat e deritanishme të shqiptuara për mos respektimin e masave anti-Kovid janë bazuar në dekretet e Qeverisë të sjella gjatë gjendjes së jashtëzakonshme të cilat kishin fuqinë e ligjit. Ndryshimet dhe plotësimet në Ligjin për mbrojtjen e popullsisë nga sëmundjet ngjitëse mund të miratohen ne procedurë urgjente të paraparë me nenin 167 dhe 168 të rregullores së Kuvendit e cila kushtëzon miratimin e ligjit pa diskutim.

Deri në miratimin e këtyre ndryshimeve, masat e sjella në Qeveri nuk do të jenë në fuqi.

 

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending