Connect with us

Maqedoni

Mësimi online po realizohet me vështirësi

Published

on


Probleme të shumta po shoqërojnë nxënësit dhe mësimdhënësit gjatë realizimit të mësimit online. Mësimdhënësit ankohen për mungesë të kushteve për punë. Ndërkohë, nxënësit thonë se nuk po realizohen të gjitha orët mësimore të parapara me orarin shkollor. Alsat kontaktoi shkolla të caktuara por asnjë prej tyre nuk pranojnë mangësitë e realizimit të mësimit online, pavarësisht se nxënësit dëshmojnë të kundërtën. Alsat ka siguruar disa biseda me nxënësit të cilët dëshmojnë se po humbin nga mësimi dhe se mësimi nga distanca po realizohet me shumë vështirësi.

Ndërsa disa heshtin, drejtori i shkollës fillore “Rexhë Rushit Zajazi” në Kërçovë pranon se po përballen me vështirësi të ndryshme në zhvillimin e mësimit nga distanca. Madje, ai tha se deri të martën mësimi online është bojkotuar nga pjesa më e madhe e nxënësve. Shkolla në fjalë numëron 326 nxënës, përfshirë edhe shkollat periferike.

Deri dje nuk janë kyçur thuajse asnjë nxënës në shkollën tonë me përjashtime të vogla, diku 12-13 nxënës, ndërsa prej sot kanë filluar të kryqen më tepër nxënës. Kërkonin që mësimi të zhvillohet me prezencë fizike për shkak se shkolla qendër i plotëson kushtet, si për nga hapësira është e madhe i plotëson kushtet për mësim me prezencë fizike. Kemi pasur problem të këtilla shumë për shkak të rrjetit, binte rrjeti – deklaroi Naser Ismaili, drejtor i Sh.f “Rexhë Rushit Zajazi” Kërçovë.

Nga Ministria e Arsimit u përgjigjën për Alsat se prej fillimit të vitit shkollor e deri më sot, numri i nxënësve që ndjekin mësimin nga distanca është rritur për 17 %. Gjegjësisht, rreth 87 % e nxënësve me sukses po ndjekin mësimin nga distanca. Gjithashtu, nga MASH thanë se janë në komunikim të vazhdueshëm me drejtorët e shkollave dhe qeverisjen lokale për zgjidhjen e problemeve që pamundësojnë realizimin e mësimit nga distanca.

Melihate Rustemi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending