Connect with us

Maqedoni

Ajri i ndotur para nisjes së sezonit të ngrohjes

Published

on


Edhe para sezonit të ngrohjes në vend, është arritur kulmi i ndotjes së ajrit. Ajri është i ndotur në disa pjesë të Shkupit, Kumanovës, Tetovës, Kërçovës, Manastirit dhe Koçanit. Ajër të rrezikshëm ka në Novo Lisiçe të Shkupit . Kjo tregohet nga stacioni matës “pulse.eco”, i cili sot ka matur 278 mikrogramë të grimcave PM 10 në ajër. Nga ana tjetër, stacioni shtetëror mati shumë më pak – 24 mikrogramë të grimcave PM 10. Ajri në këtë lagje ishte ndotur edhe një natë më parë. Qytetarët ankohen për një erë e pakëndshme.

“Nuk e kam vërejtur, por pres që kjo vjeshtë të jetë interesante, sepse çdo vit ajri është gjithnjë e më i ndotur, nuk e di se ku, sidomos nga Lisiçja e vjetër ku ngrohen me dru, ndërsa mbrëmë nuk kam vërejtur ndonjë gjë të veçantë.”

“Ndjeva diçka. Dritarja ishte pak e hapur dhe në mbrëmje hyn pak erë, si e djegur. E njoha erën, por këtë e kam ndier për vite me radhë në Aerodrom. – Dhe e dini se çfarë është? Jo.

Vështirë. Një dritare nuk mund të hapet … “

“Ne shpesh, sidomos natën kur hapim derën për ajrosje, nuk mund të marrim frymë. Ka erë plastike, nganjëherë erë mbeturinash të djegura … “

Ministria e Mjedisit thotë se ndotja e ajrit është një problem kompleks dhe ato nuk janë i vetmi institucion që punon për ajër më të pastër. Sipas tyre, nevojiten një plan i mirë urban, i gazifikimit, kontrollit dhe kufizimit të trafikut. Masat e deritanishme pretendojnë se japin rezultate.

“Nga të gjitha stacionet e matjes në vend nga viti 2005 deri në 2019, ekziston një trend në rënie i përqendrimit të grimcave, për shkak të masave të marra nga institucionet në nivelin qendror dhe lokal.”

Kërkimet e fundit tregojnë se ndotja e ajrit kontribuon në përhapjen e koronavirusit, që do të thotë se virusi mund të jetë në grimcat PM dhe të transmetohet përmes ajrit.

Igor Stefanovski

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending