Connect with us

Maqedoni

Tabanoc, fluks udhëtarësh nga Serbia

Published

on


Qytetarët vërshuan edhe pikat tjera kufitare me Kosovën dhe Serbinë. Në orët e para kur kushtet u hoqën, ata, të emocionuar, ju drejtuan kufirit kryesisht për vizita tek më të afërmit.


“Po shkoj te nëna ime. Me vdiq në muajin prill dhe nuk e kam pa as kufomën e saj. Jam shumë e pikëlluar. Mezi e kam prit këtë moment dhe t’i shoh vëllezërit dhe vendet e nënës”.


“Po si nuk u bë mirë. Andej kemi miqësi dhe shoqëri. U bë shumë mirë. Do t’i them unë Serbisë t’i hap kufijtë edhe për ju. Kemi miqësi andej”.


“Shumë mirë. Patjetër t’i heq edhe Serbia. Kemi farefisin andej. Jo vetëm testet, por i gjithë ky kufi duhet të hiqet që të udhëtojmë më mirë e më lehtë”.

Në pikën kufitare drejt Serbisë kishte pak lëvizje, kjo pasi autoritetet serbe kanë lënë në fuqi kërkesën për PCR test negativ jo më të vjetër se 48 orë.

Fluks i madh u vërejt edhe ne pikën malore kufitare mes Maqedonisë së Veriut dhe Kosovës. Kolona të gjata dhe qytetarët të cilët me entuziazëm prisnin kalimin e kufirit Bellanic-Stançiq. Kishte edhe nga ata që kalonin në këmbë.

 “Jemi gëzuar shumë. Nuk duhej as kufi të kishte këtu po nuk kemi çfarë të bëjmë”.
“Kemi ca kushërinj andej dhe do të ikim t’i vizitojmë. Serbia nuk i hapi kufijtë po duhet edhe ata t’i hapin”.

Pas përkeqësimit të situatës dhe numrit të madh të rasteve të reja me Kovid-19, Qeveria mbrëmë paralajmëroi rishikimin e vendimit për udhëtimin e shtetasve nga Kosova, Mali i Zi, Bosnja dhe Serbia pa PCR test negativ në Maqedoni të Veriut. Mbetet e paqartë nëse Qeveria në mbledhjen e ardhshme do të sjell vendim tjetër ose do të pritet mendimi profesional i Komisionit për Sëmundje Infektive.

Adrian Kerimi