Connect with us

Maqedoni

Vaksina kineze do të arrij e para në Maqedoni – Alsat

Published

on

U lavdëruan se në janar do të marrin dozat simbolike të vaksinave nga Bullgaria. Pasi ajo ende nuk ndodhi as nga shtetet tjera të BE-së, autoritetet shëndetësore e mbajtën publikun me shpresën se vaksinat anti kovid do të vijnë nga blerja direkt nga Pfizer. E treta e vërteta po del se kontingjenti i parë i vaksinave pritet të vijë nga Kina. Ministri i Shëndetësisë Venko Filipçe, as tani nuk precizoi datën, por tha se brenda këtij muaji 200 mijë vaksina “SinoVac” do të vijnë nga Pekini në Shkup.

“Ne jemi në fazën finale të bisedimeve dhe praktikisht në muajin shkurt sasia e parë e vaksinave që do të arrijnë në vendin tonë do të jenë ato kineze. Procesin e imunizimit sipas planit të përgatitur do ta nisim me ato vaksina, tani nuk do të spekuloja për datën e saktë por për shumë kohë të shkurtër do ta dimë edhe këtë. Do të arrijnë 200 mijë doza, me të cilat do të filloj vaksinimi i të gjitha grupeve me prioritet”, tha Venko Filipçe, ministër i Shëndetësisë.

Ndërkohë, edhe 8 mijë vaksinat nga Serbia mbeten në listën e pritjes, meqë kompania farmaceutike amerikane “Pfizer” nuk i ka dhënë dritë jeshile për të rishitur të njëjtat për vendin tonë. Blerja direkt për 5850 doza, negociata të cilat po zhvillohen përmes zyrës së “Pfizer” në Beograd, gjithashtu nuk dihet se kur do të arrijnë. Informacioni i fundit vjen nga Organizata Botërore e Shëndetësisë se përmes platformës Covax kontingjenti i parë tek ne do të vijë nga vaksinat AstraZeneca për muajin mars. Sipas Ministrisë së Shëndetësisë janë paraparë ndërmjet 103-175 mijë doza të kësaj vaksine, prej të cilave rreth 65% duhet të arrijnë në tre mujorin e dytë të vitit.

Adnan Qaili


Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending