Connect with us

Maqedoni

Tregtarët ilegal pushtojnë trotuaret, Ganiu: Inspektorati i Tregut s’na ndihmon

Published

on


Tregtarët ilegal që mbajnë dhe shesin mallin nëpër kuti dhe tezga në rrugët e qytetit për çdo ditë po shtohen. Institucionet përkatëse edhe pse janë të vetëdijshëm për këtë fenomen, topin e hedhin tek njëri-tjetra. Nga Komuna e Çairit, kryetari Visar Ganiu, thotë se nuk ka kompetenca të mjaftueshme për t’i larguar. Ai shton se pa prezencën e Inspektoratit Shtetëror të Tregut dhe pa prezencën e policisë, Inspektorati komunal nuk mund të konfiskoi mallin e tregtarëve ilegal.

Ka disa muaj, ndoshta edhe një vit që inspektorati i tregut nuk përgjigjet në thirrjet tona, e në atë moment kur ata nuk paraqiten në vend ngjarje, apo të jemi të koordinuar për të vepruar në terren, atëherë nuk kemi mundësi që ne ta grumbullojmë mallin ekzistues, pasi atë procesverbal ka të drejtë vetëm inspektorati i tregut ta bëjë. Atëherë e kemi të pamundur ta realizojmë atë si veprimtari – deklaroi Visar Ganiu, kryetar i komunës së Çairit.

Ganiu shton se, nuk kanë as edhe pasqyrë të saktë për llojin dhe numrin e veprimtarive tregtare ilegale që funksionojnë në Komunën e Çairit. Për këtë arsye, kërkon që sa më shpejtë që është e mundur, Inspektorati Shtetëror i Tregut t’ua kalojë kompetencat inspektorëve lokal. Nga Inspektorati Shtetëror i Tregut thonë se mosveprimi i tyre, ndodh për shkak të numrit të ulët të inspektorëve që kanë.

Inspektorati i Tregut, zbaton diku mbi 40 ligje, ka kompetenca të shumta kështu që nuk mundemi gjithnjë t’u përgjigjemi kërkesave të komunave. Kjo për arsye sepse nuk kemi njerëz, nuk kemi inspektorë. Numri i inspektorëve në këtë moment nga inspektorati i tregut nga njësia rajonale në Shkup është diku më pak se 20 inspektor. Do të thotë brenda mundësive tona ne i zgjidhim kërkesat e komunave. Gjithnjë kemi kërkesa deri tek Qeveria për rritjen e inspektorëve – deklaroi Xhelal Maksuti, Inspektorati i Tregut.

Ndërsa nga Ministria e Punëve të Brendshme nënvizojnë se ata janë të gatshëm t’u përgjigjen kërkesave të Komunave dhe të Inspektoratit Shtetëror të Tregut, që policia të jetë prezentë gjatë aksioneve për largimin e tregtarëve ilegal.

Mefail Ismaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending