Tezja e saj pothuajse vdiq nga COVID-19, Bebe Rexha flet për trajtimin e keq në spital dhe kapacitetet e dobëta mjekësore në Amerikë

Këngëtarja me origjinë shqiptare, Bebe Rexha, është tejet e shqetësuar për gjendjen shëndetësore të familjarëve të saj.

Kjo pasi ajo përmes një statusi në Twitter, bëri të ditur se tezja e saj për pak sa nuk vdiq në spital, kjo pasi ajo po përballet me virusin vdekjeprurës.

“Tezja ime është në spital për momentin. Ajo ka Covid. Ajo pothuajse vdiq mbrëmë. E vetmja gjë që ajo i tha mamasë time ishte që spitali është aq i mbingarkuar sa është e vështirë të marrësh një infermiere. Ajo tha se ndihet sikur është pjesë e një bagëtie. Infermierja i tha asaj ‘mos më thërrit derisa nuk je duke vdekur’”, shkroi 31-vjeçarja në një status në Twitter.

My aunt is in the hospital right now. She has Covid. She almost died last night. The one thing she told my mom was the hospital is so overpacked it’s hard to get a hold of a nurse. She said she feels like she is part of a cattle. The nurse told her don’t call me unless your dying

— Bebe Rexha (@BebeRexha) December 12, 2020

Ndërkohë të martën, Rexha shkroi se pas kontaktit me një doktoreshë në Los Angeles, kishte ngelur e habitur kur ajo u shpreh se vendi është me kapacitete të paketa mjekësore shkaku i pandemisë globale.

“Sipas Dr. Christina Ghaly, drejtoreshë e Shëndetit dhe Shërbimeve Njerëzore të Qarkut L.A, kishte vetëm 370 shtretër spitalorë për qarkun prej 10 milionësh. Disponueshmëria e ICU (njësinë e kujdesit intensiv) ishte edhe më e keqe, me vetëm 56 shtretër të rritur të ICU të mbetur”, shkroi këngëtarja me prejardhje shqiptare.

“According to Dr. Christina Ghaly, director of L.A. County Health and Human Services, there were only 370 available hospital beds for the county of 10 million. ICU availability was even worse, with just 56 adult ICU beds remaining.” @DEADLINE

— Bebe Rexha (@BebeRexha) December 15, 2020

Bebe Rexha përndryshe së fundmi është kthyer në New York te shtëpia e prindërve të saj, pas një qëndrimi disa mujor në shtëpinë e saj tjetër në Los Angeles, ku qëndroi e izoluar edhe gjatë pandemisë me vëllanë e saj, Florentin.

Rexha ka treguar se prindërit e saj, Flamur dhe Bukurije Rexha, ishin të prekur me COVID-19 gjatë periudhës së izolimit global, teksa u shpreh se fatmirësisht e kishin kaluar me lehtësi. /Telegrafi/