Connect with us

Maqedoni

Shqipja në gjyqësor, partitë mirëpresin formimin e grupit të punës

Published

on


Partitë politike kanë mirëpritur paralajmërimin e ministrit të Drejtësisë, Bojan Mariçiq për grupe punë mbi ndryshimet dhe plotësimet e Ligjit për Procedurë Penale dhe Ligjit për Përdorimin e Gjuhëve. VMRO-DPMNE-ja ka kusht përfshirjen e rekomandimeve të Komisionit të Venecias. Sipas partisë së Hristijan Mickoskit, kjo nismë dëshmon se Ligji për Gjuhët është jo kushtetues.

“Kjo nismë e Bojan Mariçiq dëshmon se ligji është në kundërshtim me Kushtetutën. Vërejtjet tona i kemi thënë që në fillim kur ligji pasi u miratua u dërgua për mendim në Komisionin e Venecias, pra në kundërshtim me parimet juridike. Ne kërkojmë të respektohen vërejtjet e Komisionit të Venecias. Qëndrimet më të qarta do t’i thonë ekspertët brenda subjektit tonë”, tha Dimçe Arsovski, Zëdhënës i VMRO-DPMNE-së.

Për BDI-në dispozitat e Ligjit për Përdorimin e Gjuhëve janë të paprekshme, ndërsa thonë se do të marrin pjesë në grupe pune të cilat lehtësojnë dhe harmonizojnë procedurat gjyqësore me Ligjin për Përdorimin e Gjuhëve.

“Dispozitat e Ligjit për përdorimin e gjuhëve duhet të reflektojnë në Ligjin e Procedurës Penale dhe ligjet tjera duke pasur parasysh se Ligji për gjuhët ka freskuar kohezionin, janë tejkaluar të gjitha paragjykimet e pa baza se po i ndodhë diçka e keqe vendit nëse shqiptarët do ta përdorimin gjuhën shqipe amtare në të gjitha institucionet përfshi edhe procedurat gjyqësore”, deklaroi Arbër Ademi, Deputet i BDI-së.

Nga koalicioni Aleanca për Shqiptarët dhe Alternativa thonë se për momentin çështja e ndryshimeve ligjore po diskutohet nga ekspertët brenda dy subjekteve, ndërsa së shpejti pritet të dalin me qëndrim të unifikuar si koalicion. Këto dy subjekte në përbërjen e kaluar kishin mbështetur miratimin e Ligjit Për Përdorimin Gjuhëve. Nga LSDM thonë se janë duke u koordinuar për veprimet e mëtejshme, ndërsa thonë se për hollësi duhet pritur veprimet e ministrit të Drejtësisë, Bojan Mariçiq i cili paralajmëroi hapjen e debatit brenda Qeverisë dhe formimin e grupeve të punës mes partive politike parlamentare dhe ekspertëve.

Adrian Kerimi

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending