Connect with us

Maqedoni

Kontrolli nëpër familje, Spasovski: Ruajmë shëndetin pa cenuar privatësinë

Published

on


Një nga masat e reja anti-CoVid parashikon kontrolle nëpër shtëpi në raste se ka denoncime se në atë adresë ka më tepër se 4 mysafirë. Por, për t’i trokitur policia dikujt në derë duhet të ketë edhe një vendim të gjykatës. Përndryshe, çdo veprim tjetër e frenon Neni 26 i Kushtetutës së RMV-së.

“Paprekshmëria e shtëpisë është e garantuar. E drejta për paprekshmëri të shtëpisë mund të kufizohet vetëm me vendim të gjykatës kur bëhet fjalë për zbulimin ose parandalimin e krimit ose mbrojtjen e shëndetit të njeriut”, thuhet në Nenin 26 të Kushtetutës së RMV-së.

Për zbatimin e këtyre masave, Ministri i Brendshëm Oliver Spasovski tha se çdo veprim i policisë do të jetë konform ligjit por edhe mbrojtjes së shëndetit publik. Ai vuri theksin se nuk do të cenohet privatësia e askujt nëpër familje.

Sot nuk dua të flas në bazë të supozimeve, nëse fillojmë me hamendje do të hapen 1001 tema në opinion se çfarë do të bëhet nëse ashtu do bëhet. Le të presim të kryhet seanca e Qeverisë, do të merren vendimet dhe në atë mënyrë do të njoftojmë të gjitha mekanizmat se si do të jetë kontrolli dhe mbikëqyrja për zbatimin e këtyre vendimeve – u shpreh Oliver Spasovski, Ministër i Brendshëm.

Qytetarët, thonë se për të mos arritur tek masat restriktive duhet të rritet vetëdija e shoqërisë. Ka prej tyre që thonë se dënimi më i madh do të jetë nëse humbasin ndonjë familjar nga virusi korona.

“Unë mendoj se nuk preferohet të shkoj policia shtëpi më shtëpi, megjithatë populli duhet të jetë i vetëdijshëm që të mos tubohen sepse dikush edhe mund të denoncoj”.

“Nëse nikoqiri nuk është i vetëdijshëm ai do të mbledh 1 mijë miq, nëse ka vetëdije nuk do të thërras asnjë. Tani të gjithë kemi fëmijë nga një herë t vijnë por jo çdo ditë të vijnë përnjëherësh”.

“Si të thotë Komisioni dhe që e vërteton Qeveria, këtë ata e dinë. Ne qytetarët nuk e dimë, duhet të respektohen të gjitha vendimet që të mposhtet pandemia”.

“E po në fund të fundit nuk jetohet vetëm. Ta them të drejtën unë jetoj e vetme por duhen mysafirë në disa momente që të çmalli shpirtin”.

Për propozimet e masave të reja, reagime të shumta pati si nga qytetarët ashtu edhe nga opozita. Subjektet politike jashtë ekzekutivit e vënë në dilemë kushtetutshmërinë e disa prej masave. Përderisa të miratohen propozimet e KSI si preventive e valës së re të pandemisë, bartja e maskave edhe në hapësira të jashtme u bë virale në rrjetet sociale nga porosia e Ministrit të Shëndetësisë Venko Filipçe, i cili shkruan se deshëm apo s’deshëm, kjo është mënyra e re e të jetuarit.

Adnan Qaili

Maqedoni

Me 23 shkurt aktgjykimi për rastin “Monstra” – Alsat

Published

on

Aktgjykimi për rastin “Montsra” është caktuar për me 23 shkurt, transmeton Alsat. Sot në gjykimin për rastin “Monstra” pala mbrojtëse paraqiti fjalët përfundimtare. Mbrojtja e të akuzuarve përsëriti qëndrimin se rasti është i montuar dhe se të akuzuarit nuk janë autorët e vërtetë të vrasjes së pesëfishtë në Liqenin e Smillkovës. Avokatët e viktimave nga ana tjetër kërkuan dënim maksimal për të akuzuarit, pasi siç thanë u dëshmuan veprat penale.


Continue Reading

Maqedoni

20 viktima dhe 350 raste të reja me COVID në 24 orët e fundit – Alsat

Published

on

Ministria e Shëndetësisë njofton se në 24 orët e fundit janë kryer 2 291 testime të dyshuara për Covid-19 dhe prej tyre 350 kanë rezultuar pozitivë me Koronavirus, ose 15% e testeve të bëra. Po ashtu në 24 orët e fundit kanë ndërruar jetë edhe 20 pacientë të tjerë, ndërsa janë shëruar 266 persona.

Continue Reading

Maqedoni

Ekspertët: Vodno të mbrohet me ligj të posaçëm, nuk mjafton shpallja si zonë e mbrojtur – Alsat

Published

on

Profesorët e Fakultetit të Pylltarisë nuk pajtohen që Vodno të shpallet zonë e mbrojtur. Kërkojnë shkallë më të lartë të mbrojtjes duke miratuar ligj të veçantë për Vodnon, përgatitjen e një plani hapësinor për malin, plan për menaxhim, me të cilin mali do ta mbrojë Shkupin.

Vodno duhet të mbrohet e jo të jetë zonë e mbrojtur. Për shkak se, funksioni kryesor i Vodnos është siguria, mbrojtja nga reshjet dhe vërshimet – deklaroi Makedonka Stojanovska- profesoreshë universitare.

Të kemi tampon sigurie afër kufirit me Planin e Përgjithshëm Urbanistik që të mbrohet në mënyrë rigoroze, çdo veprimtari e paligjshme atje të dënohet ekskluzivisht vetëm me burg, që të parandalohet kapadaillëku. E dimë që Vodno mbrohet nga ligji i miratuar në vitin 2004. Pastaj, është zonë e sigurisë, zonë për ta mbrojtur qytetin nga vërshimet. Është një zonë shumë e rëndësishme – u shpreh Ivan Blinkov- profesor universitar.

Organizatat joqeveritare gjithashtu kërkojnë që Vodno të mos shpallet zonë e mbrojtur, duke argumentuar se mali nuk do ta ketë mbrojtjen e nevojshme.

Në mënyrë që të shmangen ngjarjet si përmbytja e vitit 1952, të mos ndodhë rastësisht përsëri sikur që ndodhi në Stajkovcë në vitin 2016, tani në Vodno, në kohë të ndryshimit të klimës në të cilën jetojmë sot, ku shirat e rrëmbyeshëm do të jenë shumë më të shpeshta dhe intensive, ne nuk duhet të lejojmë vendim të tillë tani ku mbrojtja e vetme e Vodno do të jetë biodiversiteti – tha Tatjana Stojanovska, “E dua Vodnon”.

Sipas planit për të mbrojtur biodiversitetin, një pjesë e Vodnos duhet të menaxhohet nga qyteti i Shkupit.

Sa më shpejt të jetë e mundur, pas shpalljes, do të vendoset regjim për mbrojtjen e zonave të përcaktuara. Situata do të monitorohet, do të zhvillohet një plan menaxhimi kurse ne do të vazhdojmë të rrisim ndërgjegjësimin e publikut – deklaroi Nikolla Naumoski- shef kabineti në Qytetin e Shkupit.

Të gjitha këto qëndrime të ekspertëve janë shprehur në debatin publik të organizuar nga Ministria e Mjedisit mbi propozimin për të shpallur Vodnon zonë të mbrojtur.

Igor Stefanovski


Continue Reading

Trending